Lýsing
Lýsing

Eru Føroyar við at gerast eitt nýtt Liberia ella Marshall oyggjar?

SKRIVAÐ: Petur Mohr – Stýrimaður  |  25.05.2020 - 07:55 Lesarabrøv Politikkur Vinna

Vit eru siglandi tjóð verður mangan sagt, men av teimum uml 80-90 skipinum í FAS (Føroysku Altjóða Skipaskránni), hvussu nógv vera rikin úr Føroyum, hava føroyska manning umborð og keypa tænastur frá føroyskum veitarum. Politiski mynduleikin má taka henda spurning upp og avgerða um vit fáa nokk burturúr øllum skipum í FAS.

Fyrst skal gg gera vart við at vit í Føroyum hava fleiri vælrikin reiðarí, ið vera fult og heilt rikin úr Føroyum, og sum eru við til at skapa inntøkur og vitan. Sum dømi kann eg nevna Skansi, Thor, Smyrilline og Frakt og Sand. Tað eru eisini fleiri onnur. Hesi reiðaríini skapa nógv virksemi á landi og sjógvi, bæði beinleiðis í reiðarínum, men eisini við at keypa ymiskar tænastur frá veitraum í Føroyum. Tað er ikki hesi reiðarrí henda greinin er um

Men so hava vit aftur onnur sokallað reiðarí, sum einans hava ein sakførara at sita sum stjóra, og keypa sær ein grannskoðara at gera roknskapin og at grannskoða roknskapin tá hann skal latast inn. Hesi ”reiðarí” skapa minimalt av virksemi í Føroyum, og alt virksemi við at reka reiðaríið er í útlandinum, einas og ongin føroyingur er við skipinum. Tað vil siga at tey sleppa at sigla við Merkinum, men skapa lítla og onga inntøku og vitan í Føroyum; í mun til tey reiðarí sum fult og heilt vera rikin úr Føroyum og har føroyingar hava møguleika at mynstra við skipinum.

Løgtingið viðgerð í løtuni eitt uppskot um at víðka um tonsaskattalógina. Í samband við uppskotin hevur Taks sett spurningin í hoyringsskrivið, um tað er ætlanin at onki krav skal vera um at skip skrásett í FAS eisini vera rikin úr Føroyum. Her er eg púra samdur við Taks.

Er tað ílagi at summi skip, við Merkinum á hekkuni, einans hava eina postsmogu hjá einum sakførara og tað er tað einasta sambandi tey hava við Føroyar?
Vit, løgtingið, eiga at krevja at skipini eisini vera rikin úr Føroyum og skapa vitanartung og serstørv í Føroyum, og skapa møguleikar fyri at føroysk sjófólk hava møguleikar at mynstra umborð á føroyskum skipum.

Í Danmark er tað eitt krav at skip skrásett í DIS (Danmarks Internationale Skibsregister) og, ið koma undir tonsaskattalógina í Danmark, eisini vera rikin úr Danmark. Hetta krav gjørdi at eitt reiðarí, fyri nøkrum árum síðani, var noytt til at flagga út úr DIS, tí skipini í veruleikanum vóru rikin úr Svøríki, og reiðarí í Danmark einans hevði ein stjóra, ið stóð fyri eini postsmogu. Tá eitt land sum Danmark við 10. størsta handilsflota í heiminum, kann seta krav um at skip skulu vera rikin úr Danmark, eiga vit í Føroyum at gera tað sama.

Vit eiga at krevja at skip í FAS vera rikin úr Føroyum, og at føroyingar hava møguleika at mynstra við øllum skipum í FAS. Vit eiga samstundis at skapa so góðar karmar og lagaligar treytir sum gjørligt fyri tey reiðarí, ið vera rikin úr Føroyum, so at vit kunnu halda fast við hesi vitanartungu- og serstørvini. Júst hetta vit at fáa skapt størv sum krevja servitan og geva møguleikar til føroysk sjófólk var grundgevingin fyri at FAS bleiv verðuleiki. Vit skuldu sloppi okkum av við tey sokalaðu reiðarínin, sum einans eru ein postsmoga á einum kontóri. Um tey taka síni skip úr FAS, missa vit sum land millum lítið og onki.
Um vit onki gera og lata standa til, so er onki til hindurs fyri at vit enda sum eitt verðuligt hentleika flag, har tað einasta føroyska ísletti til reiðarí og skip er Merki á hekkuni. Ongi størv, onki avleitt virksemi, einans ein stórur handilsfloti. Hetta er tað Liberia og Marshall oyggjar hava.

Petur Mohr – Stýrimaður

 

Grein um reiðrí, sum mátti flagga úr DIS

http://www.co-sea.dk/nyheder_fra_co_sea/co-soefart.44017/kommentar-sirius-udflagning-en- gevinst-for-dis.72081

Lýsing
Seinastu tíðindini
Semja millum Fíggjar­mála­ráðið og Maskinm…
Saman loysa vit bústaðartrotið
Die Gedanken sind frei!
Føroya vakrasta hálvmaraton 2020 verður
Gloym okkum ikki heilt
Johan Dahl er løntur av Huawei 
Væl skipaður ferðafólka­flutningur
Týdningu­rin av siðvenjum í modernaða sam…
Floksmannadagar í Hattarvík - eitt uppli…
Lions nýggjan forseta
SamFelagið havt aðalfund
Núpur landar á Kósini í morgun
Norðlýsið í summar
Ægir: Hægstu stigatøl á FM 2020
Signhild Joensen ársins svimjari
Fleiri ungir línumenn við Havbúgvanum
Sigursgongdin hjá KÍ kvinnunum heldur áf…
Gloymið Bústaðir! Latið kommunur­nar bygg…
Áki Mørk: Vónirnar eru góðar hjá styrktu…
Jofridt Jensen úr Fuglafirði níti ár 6.…