Lýsing
Lýsing

TB leigar málverja frá KÍ

SKRIVAÐ: Jákup Ósá  |  25.05.2020 - 11:38 Ítrottur Tíðindi

KÍ og TB hava gjørt leiguavtalu um málverja.

Tað var í dystinum millum júst TB-KÍ, at danski málverjin Frederik Mehder fekk heilaskjálvta og má sita uttanfyri í nakrar vikur. 

Leygardagin var eykamálverjin John Jacobsen í TB-málinum. Men reglar siga, at í serligum førum kann kappingarnevndin geva undantøk til at at lið sleppa at leiga málverjar, tá fyrsti málverji er skaddur. Sum skilst eru reglar gjørdir fyri fáum árum síðani, at eftir ein ella tveir dystir frá tí at skaðin til fyrsta málverja er komin kunnu lið leiga málverja. Og tað er hetta sum ger, at TB nú kann leiga málverja.

Tað verður 40 ára gamli Meinhardt P. Joensen, sum skal verja málið hjá TB. Tummas Lervig, formaður í KÍ, váttar fyri Norðlýsinum, at TB og KÍ hava gjørt avtalu fyri komandi tveir dystirnar. Hetta er ikki heilt nýtt fyri partarnar, tí sama støða hendi í 2016, tá TB leigaði Meinhardt frá KÍ í tríggjar dystir mitt í kappingini. 

Komandi tveir dystirnir hjá TB eru á heimavølli móti B36 og á útivølli móti Víkingi. Tá Meinhardt fer á vøllin mikukvøldið, so verður hann samstundis elsti leikarin, ið hevur spælt í Betri Deildini higartil í 2020.  

 

Lýsing
Seinastu tíðindini
Corona: Ein tilburður staðfestur
KÍ vendi aftur øllum og vann
Vitja 5 fjallatoppar og vinn
Kirkju­bøkur­nar í Eysturoynni
Kaj Leo Holm Johannesen helt røðu til pr…
Upptakt: KÍ-TB
Søla í smáttunum
Kommunala Eftirlitið kannar valagn
Tøkk
Fleiri vegir verða asfalteraðir
Norðlýsið á gøtuni
Læra av Bakkafrost
Danmark-Føroyar í oktober
Fylg makrel­kanningu­num 2020
Tað spruttar av lívi í Klaksvíkar Róðrar…
Tróndardagur í Gomlu Norð­ragøtu
Løgtingsvalið í Klaksvík 1994
Marknaðargrundað skipan í Havn
Team Klaksvík hevur tveir útlendskar mál…
Lógaruppskot um bústaðaætlan til hoyring…