Lýsing
Lýsing

Føroyar ímóti rasismu

SKRIVAÐ: Jóhann Lützen  |  05.06.2020 - 11:57 Tíðindi

 Sunnudagin 7. juni kl. 14 verður mótmælisgonga ímóti rasismu. 

 25. mai varð amerikumaðurin George Floyd handtikin og dripin á gøtuni av løgreglumanninum Derek Chauvin. Hetta er ikki eitt eindømi, men bert seinasta dømi upp á struktrellu rasismuna í USA. Ferð eftir ferð síggja vit, at ósekir, afro-amerikanarar verða dripin og illa viðfarin av løgregluni. 

 

 Morðið á George Floyd varð filmað og lagt á sosialu miðlarnar. Øll verðin hevur hugt við. Og kring allan heim vísa fólk nú sína ónøgd - á sosialu miðlunum og á gøtuni - um at fólk enn í 2020 dag og dagliga eru fyri rasismu av alskins slagi. 

 Hesin uppreisturin, hevur direkta ført til at Derek Chauvin, og teir fýra løgreglumenninir, ið hugdu at, nú eru ákærdir fyri manndráp.

 

 Hóast myrk folk í Føroyum ikki verða dripin av løgregluni, er rasisma sanniliga ein partur av føroyska hugburðinum og tað er nakað, ið SKAL broytast.

 

 Sunnudagin fara vit út á gøtuna í Havn at mótmæla rasismu, og at tað enn í dag verður gjørdur mismunur á fólki vegna teirra húðarlit og uppruna. Samstundis vilja vit eisini vísa samhuga við teimum, ið eru fyri rasismu - bæði í Føroyum og í úti í heimi.

 

 Vit heita tí á øll - stór og smá – innanfyri og uttanfyri Føroya Løgting um at taka lut.

 

 Vit møtast á vaglinum sunnudagin kl. 14 við heimagjørdum skeltum, bannarum og øðrum. Síðani fara vit oman í perlutorgið, har JASMIN spælir nøkur løg, annars er orðið frítt. 

 


Eisini eru vit sera heppin, at Unga Tjóðveldið, Sosialistisk Ung, Unga Sambandið, Ungt Sjálvstýri, Framsøkin ung og Amnesty hava valt at stuðla mótmælisgonguni.

 

 Um tú kundi hugsað tær at sagt nøkur orð til tiltakið, vinarliga boða Mariunnu frá (mariannawnagata@gmail.com). 

 Vit fara sjálvandi at royna at halda øll tilmæli í mun til Covid-19. Tit verða tí biðin um at halda frástøðu og spritta hendur. 

Lýsing
Seinastu tíðindini
Amerikanski ambassadøru­rin: Forsetavalið…
Amerikanska sendikvinnan: Føroyar eru po…
Sands: Vónandi fæst Donald Trump til Før…
Carla Sands: Hvørki flotaherstøð ella ko…
Í seks ár hava Bústaðir bygt fimm vanlig…
Carla Sands vitjaði Norðlýsið
Nýggjur Christian í Grótinum
Grind eigur at verða hildin til
KÍ á Tórsvølli sunnudagin
Brúdleyp - Valborg og Dánjal
Kappingin um løgmanssteypið byrjar við s…
Størri byggifyritøkur og smærri - neyðug…
Gøtu kirkju ungdómskór
Lands­stýrið vanvirðir Løgtingið og stýri…
Floksmannadagar í Hattarvík - eitt uppli…
Væl skipaður ferðafólka­flutningur
Koronologiskur filmsfestivalur hjá Tjóðp…
Ótakk var lønin hjá reiðaranum
Semja millum Fíggjar­mála­ráðið og Maskinm…
Saman loysa vit bústaðartrotið