Lýsing
Lýsing
Heini Vatnsdal (nr. 6) byrjaði inni í sjey av teimum 10 landsdystunum í 2019
|
Mynd: Bjarni Enghamar /FSF
Heini Vatnsdal kemur til føroyskan fótbólt í summar
Landsliðsleikarin, sum er settur í samband við KÍ, sigur, at tað nú er avgjørt, at hann flytur heim til føroyskan fótbólt.
28 ára gamli Heini Vatnsdal verður skjótt aftur at síggja í føroyskum fótbólti. Tað váttar hann fyri Norðlýsinum. Men um tað verður til KÍ, sum in.fo hevur skrivað um, er ikki avgjørt.
- Eg flyti heim í summar. Antin hálvan juli ella síðst í juli. Eg havi nøkur tilboð, men eg havi ikki tikið endaliga avgerð, hvar eg spæli. Tað verður væntandi innanfyri eina-tvær vikur, sigur Heini Vatnsdal við Norðlýsið.
Heini Vatnsdal er uppvaksin í VB, men hevur eisini umboðað HB í bestu deildini. Síðstu árini hevur hann spælt við Fremad Amager í næstbestu donsku deildini. Hann hevur spælt 19 A-landsdystir fyri Føroyar.
Seinastu tíðindini