Rætting: Pál Weihe ikki longur í Conseco
Í grein fyrr í dag stóð skrivað, at Pál Weihe er nevndarlimur í P/F Conseco, ið eigur Amplexa Genetics. Hesin upplýsingur stavar frá seinasta roknskapinum, ið varð latin inn í 2018. Vit hava síðani verið í sambandi við Pál Weihe, ið hevur greitt okkum frá, at hann er farin úr Conseco, og at hann hevur onki við Amplexa at gera.
Sostatt er tað ikki rætt, at Pál Weihe í dag hevur egináhugamál í fyritøkunum Amplexa Genetics ella Conseco. Vit skulu hervið biðja um umbering fyri mistakið, sum bygdi á seinast fyriliggjandi roknskapin sambært bl.fo. Tað rætta er, at Pál Weihe onki hevur við Amplexa Genetics A/S at gera, meðan hann er fyrrverandi nevndarlimur í P/F Conseco, ið eigur Amplexa.
Vanligt er í gegnishøpi, at ein er merktur av binding í minst tvey, og upp til fimm, ár, so Norðlýsið metir framvegis, at tað var rætt at gera vart við hesi viðurskiftini, men vil hervið rætta mistakið, at upplýsingarnar ikki vóru heilt dagførdar.