Lýsing

Kirkjubøkurnar í Eysturoynni

SKRIVAÐ: Felagið Varðin  |  04.07.2020 - 10:51 Mentan Tíðindi

Nú hava tey, sum áhuga hava fyri ætt, nakað at gleða seg til

Týsdagin 7. juli klokkan sjey leggur Felagið Varðin fram tvær áhugaverdar bøkur í Løkshøll í Runavík. Tann fyrra er Eysturoyar kirkjubók fyri árini 1687-1832, og er hon 533 blaðsíður. Hin er Eysturoyar kirkjubók fyri árini 1832-1892, og í henni eru 892 blaðsíður.

Í hesar bøkur skuldu eftir Norsku lóg øll tey skrivast, sum vóru doypt í Eysturoynni og síðan hvat ið hendi á teirra lívsleið. Sjálvandi eru glopp í tey fyrstu árini, men hendan bók er tann elsta varðveitta. Vit vita at allar hinar kirkjubøkurnar hava verið til, men allar tær elstu hava leingi verið horvnar.

Tað er svínoyingurin Johan G. Mikkelsen, sum hevur skrivað hesar bøkur av. Endamálið hevur verið at festa á blað nágreiniliga tað, sum stendur í upprunaligu handskrivaðu kirkjubókunum, soleiðis at leik og lærd kunnu hava vissu fyri, at tað sum stendur er beint. Tá ber til at nýta tekstin til at skriva eitt nú bygdasøgur á hollum støði. Við tí fullfíggjaða yvirlitinum yvir persónnøvn og staðarnøvn ber til at nýta bøkurnar sum handbøkur.

Eysturoyar prestagjald var tað størsta, og nú tað er komið út, er ætlanin at fáa øll hini prestagjøldini við, tí øll, ið her búgva, hava forfedrar í meir enn einum prestagjaldi. Raðfylgjan verður tann, at Norðoyggjar standa fyrst fyri, síðan Vágar, Norðstreym, Suðuroy, Sandoy og at enda Suðurstreymoy. Vónandi verður verkætlanin liðug innan trý ár.

 

Felagið Varðin

 

Lýsing
Seinastu tíðindini
Yvirlýsing: Fakfelags­ráðið stuðlar flogs…
Føroya Sunnasta 1/­2marathon eisini avlýs…
Stór viðurkenning til Kára á Høvdanum
Aftursvar til Tjóðveldi
Bleytu virðini fara oftast út um játtani…
Hvar er langtíðarætlanin?
State of the Land – nýtt videolag
Svimji­høllin letur varisliga uppaftur
Eitt bakbit av teimum grovu
Stórarbeiði á Biskupstøð!
Tilboð og tænastur í Almanna­verki­num av…
Seinasta vaktin hjá tónleika legendu: Ge…
Rullandi kontry í Klaksvík
Skýmingatúrur um Klakkin á Háskúlan og V…
Grindir­nar ymiska ferð
Norskur dómari til Champions League í Kl…
KVF viðger sending­ina ''Fótbóltsprát''
Einmælt samtykt
Heilsumála­ráð­har­rin: Ómenniskjaligt at f…
”Berur, blektaður kleyvarskapur” at hald…