Talan er um almenna listan, vanliga listi A til kommunuvalið, og sum í løtuni eigur 8 av 11 býráðslimum. Í nýggjari tíð hava fólk í Oyndarfirði tikið stig til og fingið lokala umboðan á lista A, og er umboðið valt í býráðið.

Í Runavíkar býráð eru 11 umboð, og sambært kommunuvallógini kann listin tí hava upp til 15 valevnir. Fyrireikarnir ynskja sjálvsagt, at listin er fullmannaður til býráðsvalið, og heita vit tí á fólk um at møta fjølment. Verða fleiri enn 15 í uppskotið, skal uppstillingarfundurin taka støðu til hvørji valevnini verða, ið koma at umboða listan. Listin skal sambært lóg hava millum 15 og 25 stillarar, og verða hesir eisini funnir á uppstillingarfundinum.