Tað hevur ljóðað hetta síðsta døgnið, at 25 ára gamli Abubakar Ibrahim Aliyu longu er steðgaður í KÍ. Hann kom til KÍ í summar og hevur spælt tveir dystir. Norðlýsið hevur vent sær til KÍ-venjaran, Mikkjal K. Thomassen, sum váttar, at Abubakar ikki spælir komandi tíðina. 

- Vit hava bannað leikaranum at vera partur av hópinum í 14 dagar, meðan vit viðgera støðuna. Aðrar viðmerkingar havi eg ikki til hetta málið í løtuni, sigur Mikkjal K. Thomassen við Norðlýsið.

Sostatt verður Abubakar Ibrahim Aliyu ikki partur av KÍ-hópinum komandi tíðina, og so vil tíðin vísa, um hann er heilt liðugur í felagnum, sum okkurt kanska kundi bent á.