Dysturin gjørdist spennandi ímóti endanum, tá KÍ var á odda 2-0 og EB/Streymur minkaði um munin til 2-1. EB/Steymur legði trýst á KÍ eftir tað, men teir fingu onki burturúr, KÍ steyk avstað við sigrinum í kvøld.

KÍ-avrikið var ikki serliga sannførandi, men heimaliðið vann sær øll stigini í heimadystinum móti EB/Streymi.

KÍ kom á odda við málum frá Jóannes K. Danielsen og Heina Vatnsdal, men móti endanum skoraði innskifti Arnbjørn Hansen og so bleiv spennandi móti endanum. KÍ megnaði tó at koyra dystin heim uttan at EB/Streymur kom til nakran málmøgulika síðstu løtuna.

KÍ spælir mikukvøldið týdningarmiklan dyst á heimavølli móti B36.