Lýsing
Lýsing
Lýsing

Hilton Garden Inn Faroe Islands letur upp í dag.

SKRIVAÐ: Tíðindaskriv  |  22.10.2020 - 09:19 Myndarøð Tíðindi Vinna

Nú er klárt at taka ímóti gestum á nýggja, altjóða hotellinum í Havn, Hilton Garden Inn Faroe Islands. Hotellið letur upp í dag, hósdagin 22. oktober 2020, kl. 12.00.

„Hetta hevur verið ein spennandi og lærurík tilgongd, og eg eri sera errin av at fáa eitt Hilton hotell í Føroyum. Nú gleða vit okkum at lata upp á middegi fyri gestum bæði til gisting, á matstovuni, til veitslur og til fundir og ráðstevnur,“ sigur Martin Restorff, hotellstjóri.

Í fyrsta umfari verður ongin almenn móttøka orsakað av koronu, men móttøkan verður sett á skrá, so skjótt umstøðurnar loyva tí.

Hotellið hevur 130 nýmótans kømur, matstovu, barr, vælveruøki við uttandura gosbaði og hitarúm og venjingarhøli. Á hotellinum er tráðleyst netsamband, og øll kømur hava sjónvarp, køliskáp, arbeiðsborð, kaffi og te hentleikar v.m.

Góðar veitslu-, fundar- og ráðstevnuumstøður eru á hotellinum, sum hevur trý stór fundarhølir (Ovaru Hoydalar, Miðhoydalar og Niðaru Hoydalar) á niðastu hædd, sum kunnu gerast til eitt stórt høli (Hoydalar). Á fyrstu hædd eru eisini tvey smærri fundarhølir (Boðanes og Svartifossur).

„Ymsu støddirnar á fundarhølunum og møguleikin fyri at lata upp millum tey stóru rúmini gevur nógvar ymsar møguleikar, so vit kunnu ganga stórt sæð øllum ynskjum á møti líkamikið, hvussu lítil ella stórur fundurin, veitslan ella ráðstevnan skulu vera,“ greiðir Martin Restorff frá.

Matstovan, Hallartún, og barrin hava opið hvønn dag og hava eisini opið fyri uttanhýsis gestum. Hallartún letur upp í kvøld, hóskvøldið, kl. 18. Pláss er fyri upp til 90 gestum á matstovuni, sum er innrættað í nýmótans norðurlendskum stíli. Matstovan hevur íblástur úr franska bistro-køkinum við einføldum, men smakkríkum borðreiðingum.

„Vit í Hilton toyminum eru spent at taka ímóti fyrstu gestunum og veita teimum eina tænastuuppliving við altjóða góðsku og føroyskum gestablídni,“ sigur hotellstjórin.

Hilton Garden Inn Faroe Islands liggur væl fyri á Staravegnum í Havn við góðum útsýni oman yvir Hoydalar. Stutt er til gongu oman í miðbýin og til stóra ítróttarøkið í Gundadali.

Longu nú ber til at bíleggja gisting á heimasíðuni hiltongardeninn.fo ella við at ringja til okkara á tlf. 41 40 00, og ert tú limur í Hilton Honors, fært tú bestu prísirnar úr 637 kr./nátt (uttan morgunmat). Tað er ókeypis at vera limur í Hilton Honors.

Lýsing
Seinastu tíðindini
Myndarøð: Traktorriðil til Havnar at mót…
Ein heimsstjørna til Føroya!
Bíblian á føroyskum í sjeytifimm ár
Gjørdist heimskendur av dómarahending
Nýggjur bygningur til Fróðskaparsetrið
Skotiđ viđ Magnus Jørmundsson
Nú kemur umstrídda lógaruppskotið
Pál Weihe í Sandvágs kirkju
Sløkkja ljósini í ein tíma
Hotel Hafnia og Hotel Brandan hava gjørt…
Peningastov­nar gera mismun á fólki
Norðlýsið á gøtuni
Magni Christiansen konsert á Eiði
Nýggj vísindagrein í Ocean Engineering
Á leið sama umsøkjaratal á miðnámi
Dýrari tunlar enn neyðugt
Magnus Jørmundsson vitjar Skotið
Heilsuhjálpara­felag Føroya
Nær síggjast úrslit av allari ferðing­ini…
Jógvan Fríðriksson, bispur, prestur til…