Lýsing
Lýsing
Lýsing

Nýhugsan, íverksetan og dyggari samstarv við vinnuna

SKRIVAÐ: Gunvá við Keldu  |  23.10.2020 - 17:37 Kommunuval 2020 Politikkur

Ongin ivi er um, at vit skulu longur fram á leið í okkara livandi kommunu, tí eru fleiri og hægri inntøkur ein fyritreyt

Tað er vinnulívinum í okkara kommunu fyri at takka, at vit hava eitt tað lægsta arbeiðsloysið í landinum, og sum hevur gjørt tað møguligt hjá býráðnum at fremja stórar útbyggingar. Vit síggja ofta í búskaparligari viðgongd, at í ferðini verður ov lætt farið um tilrættalegging, og hvussu arbeiðini á besta umsitingarligan hátt verða framd. Soleiðis hevur verið seinastu árini. Tað hevur skapt nógvan eykakostna og tikið longri tíð, at reika frá arbeiði til arbeiði, uttan at verkætlanir gerast lidnar.

Hóast vit hava havt fíggjarliga góðar tíðir, síggja vit, at lønarútgjaldingarnar pr. borgara í Klaksvík liggja greitt lægri enn miðal fyri alt landið. Hetta má býráðið taka upp í fullum álvara og viðgera nágreiniliga.

Árliga miðinntøkan pr. borgara fyri landið er 184.000 kr. Í Tórshavn er hon 199.000 kr., meðan í framleiðslubýunum, sum arbeiða til útflutnings, Klaksvík, Fuglafirði, Runavík og Tvøroyri, liggur inntøkan pr. borgara niðri á 174.000 krónum.

 

Nógv restar í

Tølini vísa, at hesi framleiðsluøki liggja 10.000 kr. lægri pr. borgara enn miðinntøkan fyri landið og 25.000 kr. lægri enn Tórshavn. Eitt hugsa dømi í stórum tølum:

-       um Klaksvík hevði miðinntøkuna í landinum, hevði kommunukassin fingið 50 mió. kr. meiri í kommunukassan

-       var inntøkan í Klaksvík tann sama sum í Tórshavn, høvdu vit fingið 125 mió. kr. meiri í kommunukassan

-       harafturat skulu vit eisini hugsa um, at Klaksvík, Fuglafjørður og Runavík, hava prosentvíst lægri arbeiðsloysi.

 

Hetta er eitt mál, ið eigur at verða tikið upp beinanvegin nýtt býráð tekur við. Umframt at gera nakað við hetta, saman við vinnuni og handilsvinnuni, verður neyðugt at fara undir eitt meiri grundleggjandi arbeiði saman við viðkomandi pørtum.

Tað, sum hevur skapt stóru framgongdina í Klaksvíkar Kommunu, eru sera sterku vinnufyritøkurnar, ið hava lagt grundina og síðani tær nógvu avleiddu vinnurnar.

Fyri at koma longur fram á leið hava vit áhaldandi brúk fyri nýhugsan og fleiri íverksetum, sum kunnu byggja víðari á hetta grundarlag.

 

Gunvá við Keldu

Býráðslimur og valevni fyri Fólkaflokkin

Lýsing
Seinastu tíðindini
Ákærdur - fríur ella dømdur
Rognkelsi sum lúsabasari í føroysku aliv…
Litrík høli mitt í býnum
Vínkúllar­nir bjóða til beinleiðis jólaví…
Veðrið í vikuni, sum kemur
Besta løtan at planta eitt træ
Myndarøð: HB vann seg trygt í finaluna u…
Jóla­trø­ini í Klaksvíkar kommunu
Nýggj Bíbliulesiætlan: Les fyri lívið…
HB-NSÍ spæla um at møta Víkingi í steypa…
Jólatræið í Vágstúni tendrað
Fuglafjørður ger íløgur fyri 37,4 mió. k…
Løgmaður fingið handað álit um Kærustovn…
Heim til børn og ung við autismu boðið ú…
KÍ hevur fingið góð úrslit á dreingjasíð…
Jólatrø verða tendrað
Fornt - nýggjur útvarpsleikur í Kringvar…
Formula letur upp deild í Klaksvík
Veðrið um vikuskiftið
Kring Varp Føroya ?! – nei, gloym tað!