Og nei, sjálvandi verður føroyameistaraheitið ikki avgjørt longu í 2. umfari, men henda útsøgn avspeglar, hvussu stóran týdning og hvussu nógv KÍ fyllir í hugaheiminum og samleikanum hjá okkum norðoyingum.

KÍ er, hevur verið og verður flaggskipið fram um øll onnur her í Norðoyggjum, tí sigrarnir hjá KÍ kennast sum sigrar hjá okkum øllum.

Tí er spenningurin serliga stórur millum norðingar og KÍ-fjepparar kring alt landið, nú fyrsti dysturin millum tvey av væntaðu oddaliðunum er á skránni við Djúpumýru sunnudagin kl. 15.

Leygarmorgunin tóktist lagið at vera gott, bæði millum leikararnar, sum vandu, og millum venjarararnar, sum í løtuni hava nógvar góðar leikarar at velja ímillum til at byrja inni ímóti NSÍ.

Hann lovar nógv regn náttina til sunnudagin og sunnumorgunin, men seinnapartin sunnudagin, tá dysturin er, lovar veðurmaðurin gott veður, líkt veðrinum hesar báðar seinastu dagarnar.

Vit, fjepparar, heilsa tykkum, leikarum, venjarum og hjálparfólkum, og gleða okkum nógv at síggja kongabláa flaggskipið á heimavølli sunnudagin kl. 15.