KÍ vann stigini í Sarpugerði
Tað var leingi spennandi, men at enda vann KÍ 3-1 í Sarpugerði.
KÍ byrjaði dystin betri og kom á odda 1-0 við máli frá Jonn Johannessen, men stutt seinni javnaði Sølvi Vatnhamar við brotssparki. Liðini áttu bæði sínar góðu løtur í fyrra hálvleiki.
Í seinna hálvleiki høvdu liðini trupult við at fáa spælið at hanga saman. KÍ var greiður favorittur til dystin, men tað var ikki stórur munur á liðunum. KÍ fekk tó avgjørt dystin, tá innskifti Ísak Simonsen skoraði við høgra beininum, áðrenn KÍ í yvirtíðini økti til úrslitið 3-1. Sostatt helt góða gongdin hjá KÍ móti Víkingi fram.
Spennandi kapping um 2. pláss
Nú er HB so nær FM, at við sigri sunnudagin móti TB, so er HB FM-vinnari 2020. Men kappingin um 2. plássið er sera spennandi. KÍ og B36 vunnu í kvøld, meðan NSÍ heldur óvæntað fekk stig móti HB á útivølli. Eisini kann tað hava týdning at enda nummar trý heldur enn nummar fýra, tá vit hugsa um Evropa luttøku í 2021. KÍ spælir sunnudagin á útivølli móti NSÍ, mikukvøldið móti AB og leygardagin 7. november móti HB.