Síðsta vikuskiftið vunnu U17-dreingir hjá KÍ steypafinaluna. Hetta var endin á kappingarárinum hjá ungdómsdeildini hjá KÍ, sum á dreingjasíðuni hevur fingið góð úrslit í 2020.

U21 vann FM

U21 hjá KÍ vann FM í stórum stíli. Hetta var greitt fleiri umfør áðrenn kappingin endaði. Á U21-liðnum spældu eisini fleiri U17-leikarar.

U17 vann steypakappingina

U17 vann steypakappingina síðsta sunnudag eftir 1-0 sigur á HB á Tórsvølli. Í landskappingini endaði KÍ á 3. plássi. Sostatt tvey heiðursmerkið til KÍ.

U15 tapti steypafinaluna

Tað var líka við og næstan hjá U15-dreingjunum, tá hesir spældu steypafinaluna. KÍ var á odda til fáir minuttir vóru eftir í vanligari leiktíð, men endaði við at tapa í brotssparkskapping. Í landskappingini endaði KÍ á 3. plássi. Sostatt tvey heiðursmerkið til KÍ.

Samanlagt

Vit skulu niður til U13-dreingir fyri at síggja eitt lið, sum endaði heilt uttanfyri tey bestu liðini.

Landskapping:

U21: 1. KÍ 2. 07 Vestur 3. NSÍ

U17: 1. Víkingur 2. HB 3. KÍ

U15: 1. B36 2. HB 3. KÍ

U13: 1. Víkingur 2. HB 3. AB

Steypakapping:

U21: AB-B36/HB (spæla í kvøld)

U17: 1. KÍ 2. HB

U15: 1. B36 2. KÍ

(Eingin steypakapping er hjá U13)

Gentusíðan

Á gentusíðuni fekk KÍ bronsu hjá bæði U18 og U15 í landskappingini. Í steypakappingini eydnaðist ikki at koma í nakra finalu.

U18 gentur: Nr. 3 í landskappingini

U15 gentur: Nr. 3 í landskappingini