HB-NSÍ spæla um at møta Víkingi í steypafinaluni
Sunnudagin verður dystur í Klaksvík, har avbjóðarin til Víking í finaluni um løgmanssteypið skal finnast.
Við 2-1 sigri á B36 spældi Víkingur seg leygarkvøldið í finaluna um løgmanssteypið annað árið á rað.
Sunnudagin møtast tey bæði bestu liðini í landskappingini, HB-NSÍ, í hinari hálvfinaluni. lagt er upp til spennandi dyst, tí hetta vóru tey bæði bestu liðini í síðsta triðinginum av landskappingini. Samstundis var NSÍ tað liðið saman við KÍ, sum fleiri dystir megnaði at fáa stig móti HB.
HB vann seinast finaluna um løgmanssteypið í 2019, meðan NSÍ seinast vann í 2017. HB kann vinna greipuna, um tað eydnast at vinna løgmanssteypið í ár. Tað hevur einki føroyskt lið megnað síðani 2008.
Dysturin í Klaksvík millum HB-NSÍ byrjar sunnudagin kl. 15.00. Dómari verður Kári á Høvdanum.