Tað er eitt lágtrýst, sum stendur yvir Norskahavi, sum sleingir hesa luftina ímóti okkum. Tað er ikki serliga djúpt og máttmikið, men tað stendur mestsum í stað alla vikuna og fer ikki í upploysn fyrr enn fram ímóti vikuskiftinum.

Vindferðin í dag er um 10 til 15 m/s, men út á dagin fer vindurin at minka, og alla vikuna, sum kemur, fer vindferðin at vera undir 10 m/s – mitt í vikuni minni enn 5 m/s.

Hitalagið fer í dag at minka úr umleið 4 stigum niður ímóti frostmarkinum, og har fer tað at vera alla vikuna. Gevið gætur, at hetta er dagstemperaturur, talan er um. Náttartemperatururin kann verða lægri, tá ið klárt er ella hevur verið í veðrinum.

Alla vikuna ælaveður við kava – tó kunnu ælini í dag vera eitt bland av vátakava og kava, meðan hitin enn er um tey 4 stigini.