Fríða: Fiskur og skeljadýr á matskránni í dag
Klaksvík er fiskivinnuhøvustaður, men tað er meiri sjálvdan, at møguleiki er at njóta eina fjølbroytta fiskamatskrá, sigur Mimmy Vágsheyg, ið hevur skipað fyri stórum sjálvtøkuborði við øllum góðum úr sjónum.
- Í Klaksvík eiga vit at kunna bjóða góðan fisk og ein lekkran døgurða við øllum tí, ið vit kunnu fáa úr sjónum. Hetta er okkara uppruni, og vit eru errin av at kalla okkum fiskivinnuhøvusstaður, men hóast hetta, so hevur tað verið soltið við matupplivingum úr sjónum.
- Tí valdu vit at royna eitt sjálvtøkuborð í dag frá kl. 12.00 - 14.00, og vón okkara er sjálvandi, at hetta verður væl móttikið, sigur Mimmy, ið eisini vísir á at várið er komið, og vónandi er eitt gott summar fyri framman - við ella uttan ferðafólk.
- Café Fríða vil vera klár tá fleiri ferðafólk eisini fara at vitja oyggjarnar. Tey vilja hava fisk, og tað eiga vit eisini at bjóða teimum meðan tey eru í Klaksvík
Vit hava longu fingið nakrar bíleggingar, men vit hava enn borð eftir. Men nú má man skunda sær, um tað skal eydnast at fáa ein bita, sigur Mimmy Vágsheyg, ið hevur rikið Fríða Kaffihús seinastu 7 árini.