Til samans vóru 24 ung, bæði gentur og dreingir, við á ferðini, sum byrjaði fríggjadagin 17. apríl. Búð varð í bóndahúsunum hjá Jógvan Kristin Olsen, har eisini er ein hugnalig café í kjallaranum.

Leygardagin byrjaði dagurin við einari frískari vitjan í nýggja svimjihylinum, og seinni helt Óli á Geilini ein áhugaverdan fyrilestur. Eisini varð farið ein gongutúr runt bygdina.

Um kvøldið varð skipað fyri dansi í gomlu dansistovuni, har bygdarfólk eisini vóru boðin við. Føroyskur dansur, livandi tónleikur og góð stemningur settu sín dám á kvøldið.

Sunnudagin varð ruddað og pakkað, áðrenn leiðin gekk heimaftur við Rituni.

Endamálið hjá dansifelagnum er at skipa eitt meira fast felag, sum kann vekja og styrkja áhugan fyri føroyskum dansi millum ung í Norðoyggjum.

Niðanfyri eru nøkur stutt brot frá dansistovuni og eisini eru fleiri myndir, ið sýna ungdómshugnan.