Ísland á gosi
Enn eitt eldgos við tilhoyrandi jarðskjálvta tykist fara at kunna henda hvørja løtu. Hetta er bert ein av fleiri líknandi hendingum seinastu dagarnar, har tað hevur verið øgiligur vulkanskur aktivitetur í og undir Íslandi.
Eldgos er í umbúna í Fagradalsfjalli í Íslandi. Hetta sigur íslendska Veðurstofann, og vísir til, at útslag sæst á jarðskjálvtamátaranum har. Almennar ávaringar eru komnar út um, at fólk ikki mugu fara á staðið, og tyrla er send til økið at halda eyga við støðuni. Somuleiðis er løgreglan úr Keflavík á veg til Fagradalsfjall at meta um støðuna.
Fólk, ið eru stødd tætt við økið, síggja ljósrípur í svørðinum, og fleiri tílíkar fráboðanir eru komnar inn. Eisini sýna myndir týðiligar ljósrípur undir svørðinum.
Kelda: Visir.is