Lýsing
Lýsing

Føroya mál á manna tungu

SKRIVAÐ: Visit Runavik  |  14.04.2021 - 14:39 Mentan Tíðindi

Í mentanarvikuni í Runavíkar kommunu verður málfundur í Løkshøll mikukvøldið 28. apríl

Fuglar láta, seyður jarmar og kýr belja. Flestu livandi verur hava tørv á at samskifta. Tað hava vit menniskju eisini. Vanligt samskifti í gerandisdegnum spreingir øll landamørk, har samskift verður á ymiskum tungumálum tvørgangandi, men tjóðarmørkini stika av fyri einum einasta máli hjá øllum tjóðum – móðurmálinum. Harvið er tað í serstøðu.


Samskiftismiðil og ein partur av samleika okkara alt um eina leið. Ein væl vovin ósjónligur strongur, sum gongur ígjøgnum heilar og hjørtu á øllum okkum, sum eiga tjóðina – Føroyar.

Vit eiga øll at skifta orð um støðu málsins frá tíð til aðra – tí vit eru málið og øvut. Mentanarvikan leggur við hesum málfundinum sítt klípi til hendan varðan - hesa áhaldandi røkt.

Mentanarvikan 2021 verður sermerkt á tann hátt, at sjóneykan verður sett m.a. á skrivaða orðið. Føroyska málið í síni heild verður sett á breddan alla mentanarvikuna.

Mikukvøldið 28. apríl verður skipað fyri orðaskifti um Føroya mál, har fólkið sleppur til orðanna. Kvøldið er skipað við tveimum framløgum og bólkum, ið skifta orð um viðkomandi evni. Solby A. Christiansdóttir er orðstýrari.

 

Skrá

-Tórbjørn Jacobsen, borgarstjóri, bjóðar vælkomin.

-Ivan Niclasen, kringvarpsstjóri, greiðir frá málpolitikkinum hjá KVF í mun til tær skyldur og ábyrgdir, ið liggja á public service stovninum.

-Oðaskifti millum luttakarar                    

-Stongum og Guttesen framføra

-Jonhard Mikkelsen, stjóri Sprotans, greiðir frá, hvussu málsligu amboðini eru ment seinastu 20 árini, og hvørjum arbeitt verður við nú.

-Orðaskifti millum luttakarar                  


Øll eru hjartaliga vælkomin. Nærri kunning um Mentanarvikuna í Runavíkar kommunu er at finna á visitrunavik.fo ella á facebookvangan hjá mentanarvika í Runavíkar kommunu.

 

Lýsing
Seinastu tíðindini
Klaksvíkar Søga 4 - video
166 børn- og ung á bíðilista til Barna-…
7 ferðamál beinleiðis í summar
Kom og royn stóra útitalvið niðri í Vági
Gongutúrur fyri kvinnur, sum hava ella h…
Málið um óljóð frá skipum verður nú loys…
Vit minnast tónleikin
Waag spílar seg út
Føðingardagsheilsan nú Javni fyllir fimm…
KÍ liggur til at taka málmetið frá HB
Stuðul til uppihaldspening fyri fyrra há…
Norðlýsið á gøtuni
Sildavørur við bátabrúgvar­nar leygardagi…
Kristiliga Sangkórið á Norðskála og í Mj…
Vágatunnilin og Norðoya­tunnilin dagførdi…
Kunningarfundur um ADHD
Glaðir áskoðarar við Áir fyri løtu síðan…
KÍ vann 9-0 á Dungasandi í dag
Upptakt: 07 Vestur-KÍ
Atlantic Fair aftur á skrá í 2022