KÍ setti seg beinanvegin á dystin og hevði lætt við at koma til stórar málmøguleikar í fyrra hálvleiki. Páll A. Klettskarð legði KÍ á odda, men fyrstu ferð ÍF ordiliga hótti, so gav ein deyðbóltsstøða mál, har verjuspælið hjá KÍ ikki sá sannførandi út. Tað gekk tó skjótt hjá KÍ at koma aftur á odda og í hálvleikinum var støðan 3-1 til KÍ.

Í seinna hálvleiki var dysturin merktur av, at hann var avgjørdur og liðini hugsaðu kanska meira um dystirnar mikukvøldið, har bæði liðini hava týdningarmiklar dystir. KÍ vann 4-1 og fekk eina góða upptakt til toppbrakið í Klaksvík mikukvøldið, tá nr. 1 og 2 bresta saman, KÍ-HB.

KÍ hevur framvegis fult stigatal, 18 stig fyri seks umfør.