Tiltakið er skipað saman við Klaksvíkar kommunu og er eitt kunningartiltak bæði um ADHD hjá børnum og vaksnum.

Á skránni eru fyrilestrar um børn og ADHD og vaksin og ADHD, har fakfólk frá barnapsykiatriini og psykiatriska deplinum greiða frá. Eisini greiðir eitt foreldur frá lívssøguni við einum barni við ADHD. Umframt at ein vaksin við ADHD greiðir frá síni lívssøgu.

Tiltakið er alment og er ætlað øllum áhugaðum, fólkum við ADHD, avvarðandi og fakfólkum.

Endamálið fyri rundferðini er at kunnað um ADHD, soleiðis at øll kunnu vera við til at skapa karmar, ið tryggja trivnað, bata og menning hjá menniskjum við ADHD.

Kunningarfundurin verður í miðhøllini á Skúlatrøð 20. mai, og byrjar kl. 19.00.

Kommunan bjóðar kaffi, te og okkurt afturvið.