Føroyaleikir« er heitið á ítróttastevnu hjá ÍSF, ið skal verða ein afturvendandi summarkapping fyri allan føroyskan ítrótt, sum ÍSF fevnir um. Føroyaleikir, ið kunnu lýsast sum teir Føroysku Oyggjaleikirnir, skulu ætlandi haldast annaðhvørt ár – tað árið, táið vanligu, altjóða oyggjaleikirnir ikki eru.

Føroyaleikir TRI Olympiskt (FM) 2021
 

FM í olympiska teininum í triathlon, ið skuldi verða á Norðoyastevnu í Klaksvík, verður í staðin á Føroyaleikum fríggjakvøldið 9. juli. Kappast verður í 1500m svimjing, 40km súkkling og 10km renning. Eisini verður møguleiki at síggja sprint kapping sum er 750m svimjing, 20km súkkling og 5km renning.

Rutuupplýsing

Svimjingin verður á Vágini við bátabrúgvarnar, har svomið verður 3 ferðir 500 m, síðan verður súkkla frá bátaøkinum norð til byrgingina á Haraldsundi og aftur á start/máløkið 4 ferðir, og runni verður gjøggnum býðin, runt Heimi við Vágna og aftur á start/máløkið 4 ferðir. Kort sæst niðanfyri

Styttri teinurin verður helvtina av hesum.

Judo í KÍ høllini

Bæði børn og vaksin fara at berjast í KÍ høllini. Vit byrja við U15 tann 8. juli, síðani U18 tann 9. juli og at enda berjast tey vaksnu 10. juli.

Vit fara at síggja elitu-judo, tí fleiri á danska judolandsliðnum, koma til Føroya at berjast, sigur Malvinus í Gong formaður í Klaksvíkar judofelag. 

Vit byrja hvønn morgun kl. 10 og halda á til einaferð seinnapartin, upplýsir Malvinus. 

Vit hava fingið 70 tilmeldingar, so vit gleða okkum sera nógv, at vísa klaksvíkingum og føroyingum judo-ítróttina, sigur Malvinus. 

Gista á Skúlatrøð

Gestirnir sum koma fara at gista á Skúlatrøð, ið at kalla verður eins og eitt hotel hesar dagarnar.