Lýsing
Lýsing
Lýsing

Summartiltøk í Mikladali

SKRIVAÐ: Visit Kalsoy  |  22.07.2021 - 12:54 Mentan Tíðindaskriv

Fríggjakvøldið 23. juli og leygardagin 24. juli 2021 skipar Mikladals Sóknar Fráhaldsfelag fyri sínum árligu tiltøkum í Mikladali til frama fyri felagið.

Orsaka av korona verður onki eydnuhjól í ár, har fólk vanliga standa tøtt inni og myntir skifta hendur alla tíðina. Roynt verður at vera so lítið innandura, sum til ber.

Borð verða sett upp á øllum trimum loftshæddum í Innistovu, so tá fólk hava hug at sita inni, skulu tey kunna sita so spjødd sum til ber.
Ístaðin fyri eydnuhjólið verða lutaseðlar við nógvum lutum seldir. Felagið vónar, at fólk fara at bera yvir við avlýsta eydnuhjólinum og fara at taka væl undir við lutaseðlunum, sum verða trektir leygar-kvøldið kl. 21.

Ístaðin fyri eydnuhjól leygarkvøldið verður konsert í Túninum frá kl. 19 til 21 við Astu og Ingibjørg.

Øll eru vælkomin.

Skráin er hendan:

Fríggjadagin 23.juli:
Kl. 20 Lutaseðlasøla byrjar - trekt verður leygarkvøldið.
Gekkur í Innistovu.
Kl. 21 Kvøldseta við sangi
Kaffi og køka verða at fáa

Leygardagin 24.juli:
Kl. 11 Aðalfundur í Innistovu
Kl. 13.30 Lutaseðlasøla byrjar – selt verður gjøgnum allan dagin
Kondibingo niðan Háls
Kafé í Innistovu
Kl. 15 Grillað seyðakrov
Pylsugrill
Tombola
Kl. 17 Støðgur
Kl. 19 Konsert í túninum við Astu og Ingibjørg
Kl. 21 Trekkja lutaseðlar
Kl. 21.30 Liðugt.
SAM siglir av Syðradali kl. 22.35.
Bussamband frá øllum bygdum.
.
SAM siglir vanliga rutu fríggjadagin, meðan leygardagin er túrurin úr Klaksvík kl. 14 framskundaður til kl.12, og túrurin kl. 17.15 úr Klaksvík fluttur til kl. 18.30. Hetta orsaka av flutta kappróðrinum frá Norðoyastevnu, sum verður hildin hendan dag í Klaksvík.
Tvs. SAM siglir ongar túrar millum kl. 12 og 18.30 úr Klaksvík til Syðradals.

Øll eru vælkomin

Lýsing
Seinastu tíðindini
1.deild hjá KÍ er best eftir summarsteðg…
1.deild hjá KÍ spælir avgerandi dyst ley…
Seks leikarar vunnu steypakapping­ina fjó…
KÍ vann fyrsta steypið
Mjølnir vann fyrsta dystin
Epli og kjøt av Sandi
Rudda Føroyar
Groundhog day (USA)
Bárður Jákupsson í Gamla Seglhúsinum
Veðrið um vikuskiftið
U17-liðið hjá KÍ spælir steypafinalu í k…
Norðlýsið á gøtuni
Silvur­brúdleyp - Elisabeth og Sigmundur
Málmansvenja­rin er komin uppá pláss hjá…
Kom bara inn!
Myndir og video: Vóru eftir veðrum í Sey…
Fuglberg og Skoraberg landa á Kósini í d…
Stórt tunnilsblað næsta fríggjadag
Ársins Róland latin Anniku og Karin
Hin myrki 11. september - hjartanem­andi…