Lýsing
Lýsing
Lýsing

Landsfelag Pensjónista vertur fyri norðurlendskum samstarvi

SKRIVAÐ: Landsfelag Pensjónista  |  13.09.2021 - 15:47 Tíðindi

Felagið NSK hevur ársfund í Føroyum frá 15. til 17. september

Í hesum døgum hevur NSK, Nordisk Samarbets Komité, ársfund í Føroyum.

NSK, sum hevur høvuðsskrivstovu í Stockholmi, er ein felagsskapur fyri pensjónistafeløg í Norðurlondum.

Í fleiri ár hevur Landsfelag Pensjónista, LP, verið limur í NSK.

NSK hevur tveir árligar fundir, ið vera hildnir uppá skift millum limalondini, Svøríki, Finnland, Danmark, Noreg, Ísland og Føroyar. Men sum ikki einaferð, hevur Korona spent bein fyri hesum síðani mars í fjør.

 

Fundurin útsettur fleiri ferðir

Hetta er annars aðru ferð í søgu Landsfelag Pensjónista, at vit eiga tørn at skipa fyri NSK-fundi.

Ársfundurin skuldi havt verið hildin í Føroyum í mai í fjør, men orsakað av Korona varð hetta av ongum. Í staðin varð hann hildin umvegis Zoom. Og tað hevur verið lagið tvær ferðir síðani. Men nú eydnast endiliga at hava fund á vanligan hátt, og hann verður í Havn.

Fundurin byrjar longu nakrar fáar tímar eftir, at útlendsku fundarluttakararnir loftvegis eru komnir til landið mikudagin 15. september.

 

Seminar

Hósdagin verður eitt seminar, har skipað verður fyri fyrilestrum.

Umframt tveir sviar, ið at hava fyrilestrar umvegis Zoom, eftirsum ikki bar til hjá teimum at koma hendavegin, fara Pál Weihe, yvirlækni, professari og granskari, og Eina Eliassen Phd-lesandi, bæði tvey frá Deildini fyri Arbeiðs- og Almannaheilsu, at greiða frá Koronustøðuni í Føroyum og hvussu heilsustøðan yvirhøvur er millum eldri føroyingar.

 

Dansiringurin hjá Trónda

Áðrenn teir 19 útlendingarnir fara av aftur landinum fríggjadagin, verður høvi hjá teimum at heilsa uppá landsstýriskvinnuna í almannamálum, Elsebeth Mercedis Gunnleygsdóttir.

Hóskvøldið verður vitjað við Gjógv, har Hanus G. Johansen, troubadourur, fer at undirhalda eina løtu við sangi.

Koyrt verður gjøgnum nýggja og snøgga undirsjóvartunnilin millum Streymoynna og Eysturoynna, har eingin ivi er um, at listaverkið hjá listamanninum Trónda Patursson er eitt upplivilsi, ið norðurlendsku gestirnir ongantíð koma at gloyma.

 

 

 

 

 

Lýsing
Seinastu tíðindini
1.deild hjá KÍ er best eftir summarsteðg…
1.deild hjá KÍ spælir avgerandi dyst ley…
Seks leikarar vunnu steypakapping­ina fjó…
KÍ vann fyrsta steypið
Mjølnir vann fyrsta dystin
Epli og kjøt av Sandi
Rudda Føroyar
Groundhog day (USA)
Bárður Jákupsson í Gamla Seglhúsinum
Veðrið um vikuskiftið
U17-liðið hjá KÍ spælir steypafinalu í k…
Norðlýsið á gøtuni
Silvur­brúdleyp - Elisabeth og Sigmundur
Málmansvenja­rin er komin uppá pláss hjá…
Kom bara inn!
Myndir og video: Vóru eftir veðrum í Sey…
Fuglberg og Skoraberg landa á Kósini í d…
Stórt tunnilsblað næsta fríggjadag
Ársins Róland latin Anniku og Karin
Hin myrki 11. september - hjartanem­andi…