Veðrið um vikuskiftið
Kalt høgættarrák í kvøld og í morgin. Somuleiðis ein part av sunnudegnum. Seinnapartin sunnudagin fer hann niður í vestan, og tað verður lýggjari aftur.
Einki illveður í vikuskiftinum. Tað var nógvur vindur í nátt, og hann er ikki aftur fyrr enn mikukvøldið og næsta vikuskifti eisini.
Í er dag er eitt lot av vestri, 5 til 10 m/s. Tað er turt kring alt landið. Soleiðis fer tað at vera restin av degnum í dag – tó kann okkurt ælið væntast seint seinnapartin ella í kvøld.
Hitin restina av degnum fer at liggja um 7 til 9 stig.
Í nátt fer vindurin at minka, og tað fer at regna eina løtu. Fyrrapartin í morgin er ælaveður, og ættin fer at snara upp í útnyrðing norðan, og vindferðin fer at veksa upp í 10 til 15 m/s. Um kvøldið veksur vindur upp í 13 til 18 m/s.
Hitin leygardagin fer úr 8 stigum um morgunin niður í 3 stig seinnapartin.
Sunnunáttina og -morgunin minkar vindurin aftur. Á middegi eru 3 til 8 m/s, framvegis av útnyrðingi norði, og ælaveður. Út á seinnapartin fer ættin niður í vestan, og út á kvøldið veskur vindurin aftur. Yvirhøvur turt sunnudagin, tó okkurt ælið – serliga um kvøldið.
Hitin sunnudagin fer at veksa úr 5 stigum um morgunin upp í 9 stig seinnapartin.