Lýsing
Lýsing

Klaksvíkar Róðrarfelag hevur sett venjaratoymi fyri kappróðararárið 2022

SKRIVAÐ: Jóhann Lützen  |  25.11.2021 - 20:43 Ítrottur Tíðindi

Komandi kappróðrarár verða Magnus Norðberg, Jógvan Højgaard og Marið Heimistovu venjarar hjá KRF.

- Vit vilja halda fram við góðu gongdini, og tí hevur tað stóran týdning, at allar okkara manningar fáa dygdargóðar venjingar í 2022. Við stóru tilgongdini í KRF víðka vit nú uppgávuna til eitt venjaratoymi á trý fólk.

Magnus Norðberg hevur verið venjari í felagnum í fleiri ár, og vit fegnast um, at hann tekur eitt tørn afturat. Magnus leggur dent á góðan róðrarteknikk, og úrslitini frá 2021 eru tekin um gott venjaraavrik saman við góðum manningum.

Jógvan Højgaard er royndur rógvari og hevur verið hollur stuðul hjá Klaksvíkar Róðrarfelag í fleiri ár. Jógvan byrjaði at rógva í 2014, og hevur vunnið fleiri FM á síni róðrarleið. Marið setti seg fyri fyrstu ferð í róðrarbát í ár, er ágrýtin og hevur áræði at taka tøk fyri KRF. Magnus verður høvuðsvenjari. Jógvan og Marið verða hjálparvenjarar.

Vit fegnast um avtaluna við venjaratoymi, og vit vænta eitt spennandi, stuttligt og gevandi kappróðrarár í 2022.

Venjingin til FM-kappingina 2022 byrjar 1. februar. Barnamanningar byrja 1. mars.

Til ber at kappast í hesum bólkum:

  • 5-mannafør gentur, barnaróður, (árg. 2008-2010)
  • 5-mannafør gentur, U16 (árg. 2006-2007)
  • 5-mannafør gentur, U18 (árg. 2004-2005)
  • 5-mannafør kvinnur
  • 6-mannafør kvinnur
  • 5-mannafør dreingir, barnaróður, (árg. 2008-2010)
  • 5-mannafør dreingir, U16 (árg. 2006-2007)
  • 5-mannafør, dreingir, U18 (árg. 2004-2005)
  • 6-mannafør menn
  • 8-mannafør menn
  • 10-mannafør menn

 

Koyr á KRF️

Lýsing
Seinastu tíðindini
Stórt tunnilsblað fríggja­dagin
Nú mugu vit vakna
J&K Petersen skipaði fyri tornkranaskeið…
B36 vann løgmanssteypið
Veðrið í vikuni
“TEIR SJEY LESTRAR­NIR”-gudstænasta við a…
Greining: Fólkið vrakar samgonguna og ve…
Mjølnir greiddu sína skyldu
Team Klaksvík hevur skift venjara
Pensjonistar framvegis fyri vanbýti – og…
Sigurin komin undir land
Jóla­heilsan frá borgar­stjóranum
Dagføring av koronastøðuni
Sama jóla­kalendara øll barnaárini
Frimodt spyr um prísáseting hjá Landssjú…
Tríggjar ferðir ræst kjøt sama dag
Í viðarlund­ina eftir jólatræi
Norðlýsið á gøtuni
Eingin postbátur frá 6. desembur til 3.…
Jóla­træshaldið í Svínoy avlýst