Vit fara at síggja byrjanina til keðiligt veður um 19 tíðina í kvøld, tá ið veðurstøðirnar kring landið fara at siga frá veksandi vindi av landsynningi. Vindurin veksur ikki skjótt, úr umleið 5 m/s klokkan 19 upp í 15 til 20 m/s á midnátt.

Á midnátt ella ein tíma seinni kemur avfallið. Regn og vátakavi ella kavi. Nógv avfall alla nátt. Slítur neyvan í fyrr enn fram ímóti arbeiðstíð í morgin.

Vindurin fer at veksa eitt sindur afturat eftir midnátt. Mesti vindurin er frá klokkan 2 til 4 í nátt, 20 til 25 m/s.

Eftir at brúgvalagið við øllum avfallinum er farið eysturum klokkan 6 í morgin ári ella so, støkkur ættin vesturum til útsynning ella vestan. Tá minkar vindurin niður í 13 til 18 m/s. Eftir tað er ælaveður restina av degnum.

Hetta keðiliga veðrið kemur nakrar tímar fyrr enn mett var í forsøgnini í gjár. Í aðrar mátar ikki nógv øðrvísi enn væntað....