Lýsing
Lýsing
Lýsing

Í dag verður Sunda kommuna partur av Vanganum

SKRIVAÐ: Jóhann Lützen  |  23.06.2022 - 17:10 Tíðindi

Borgarar í Sunda kommunu fáa nú atgongd til fleiri talgildar tænastur í Vanganum. Hetta er eitt stórt framstig fyri borgaran, sum fer at viðføra at samskiftið við kommununa verður bæði lættari og skjótari.

 

Sunda kommuna er ein av nýggjastu tænastuveitarunum, ið leggst aftrat Vanganum. Fyri borgarnar í kommununi merkir hetta at tey kunnu fara inn í Vangan at søkja um m.a. dagstovnapláss, byggiloyvi og boða frá flyting. Tað er ein fyrimunur at umsókninar ganga umvegist Vangan, tí samskiftið í Vanganum er bæði lættari og skjótari. Í Vanganum hevur borgarin harafturat møguleika, at fylgja við viðgerðargongdini og sær nær eitt mál er liðugt viðgjørt.

Sunda kommuna hevur frá byrjan sæð týdningin av at vera við í samstarvinum um felags menningina av tænastuveitingunum í Vanganum. At talgilda fyrisitingarligu uppgávurnar sparir tíð og orku í umsitingini, og ger eisini at tænsturnar ikki eru treytaðar av tíð og stað.

”At vera ein partur av Vanganum er fyri Sunda kommunu líka sjálvsagt sum at tað lýsir fyri degi.

Talgilda tilgongdin í Sunda kommunu er áhaldandi, og hava allir býráðsfundir verði talgilt stroymdir á netinum síðan 2013, og flutti kommunan seg í talgildaheimin í 2015 við at gerast pappírleys.

Sum ein stór og spjødd kommuna hevur tað avgerandi týdning, at allir okkara borgarar hava javnbjóðis atgongd til okkara borgaratænastu í teirra nærumhvørvi, og við Vanganum røkka vit nú út í hvørja bygd, hvørt hús og næstan hvønn lumma í Sunda kommunu, samstundis sum ljóskaðal verður lagdur í nærum hvørt hús.” sigur Jógvan Kruse, borgarstjóri í Sunda kommunu.

Í Sunda kommunu fegnast vit um samstarvið við Talgildu Føroyar, og møguleikan at luttaka í felags tilgondini saman við hinum kommunum.

 

Lýsing
Seinastu tíðindini
Minningarorð um Álvur Zachariassen
Ferðatrupulleikar hjá KÍ síggjast aftur…
Løgmaður sent Mette Frederiksen samkensl…
Man kann ikki bæði blása og hava mjøl í…
Fesk hýsa og toskur at fáa í Neystinum
Varðin og Palli hjá Mariannu: Fjórðingsm…
Myndarøð: Góðveður í Bodø
Filmur frá Voxbotn 2022
Myndarøð: KÍ-hópurin er komin uppá pláss…
Á Floksmannadegi - fuglar og náttúra
Kári skal menna nýggjar dómarar
Stórur vøkstur í persónsskatti­num í juni
Føroyaleikir: Oddvør er skjótast
- Vit mugu toppa fyri at hava ein møgule…
Akstovan eigur ikki at flyta úr Klaksvík
Akstovan eigur ikki at flyta úr Klaksvík
Tørvur á politiskum loysnum og einum hjá…
Hug at læra at gera film?
Landsliðið til NM
Klaksvíksdamur vunnu á havnardamum