Ólavsøkuveðrið
Veðrið á ólavsøku í ár kann býtast í tvey. Í dag og út a seinnapartin í morgin er hátrýstveður - tá er vanliga gott veður við lítlum vindi og sólglottum.
Seinnapartin í morgin nærkast eitt lágtrýst vestaneftir. Vindurin fer ikki at veksa so nógv, men eitt regnumráði fer at leggja seg yvir Føroyar. Hetta verður í annaðkvøld.
Í morgun kemur lotið av útsynningi vestri. Vindferðin er um 5 til 10 m/s í miðal fyri alt landið. Allar støðir siga turt og skýggjað ella sólglottar, og hitin liggur um 11 til 14 stig.
Og soleiðis fer veðrið at vera allan dag og størsta partin av morgindegnum - t.e. næstan alla ólavsøkuna í ár.
Eitt brúgvalag við regni kemur framvið fríggjakvøldið. Sum veðurkortini eru í morgun, so fer vindurin at veksa eitt vet út á seinnapartin, og tað verður gráari.
So er tað tað, nær fyrstu droparnir detta niður. Regnið kemur vestaneftir, so tað regnar fyrst í Mykinesi og so í Vágum. Sum mátingarnar av lufthavinum eru í morgun, so er tað um 19 tíðina, at tað fer at regna vestanfyri, og so regnar tað 1 ella tveir tímar seinni í Havn.
Vinderðin fer at liggja um 8 til 13 m/s.
Sum tað sær út nú, so fer at regna restina av fríggjakvøldinum og alla leygarnáttina. Slítur ikki í fyrr enn leygarmorgun.
Góða ólavsøku.