Lýsing
Lýsing

Alan Walker ætlar at njóta Føroyar

SKRIVAÐ: Jóhann Lützen  |  03.08.2022 - 11:00 Tíðindi

Norska superstjørnan er komin til Føroya í góðari tíð

Fyrr í gjár komu Alan Walker og hansara fólk til Føroya við flogfari hjá Atlantsflogi.

Heimskendi DJ’in og framleiðarin er høvuðsnavn á Summar Festivalinum, og hann hevur framførslu á Vágsbø hóskvøldið.

Hann er komin í góðari tíð til Føroya fyri at kunna uppliva eitt sindur av landinum. Hann sigur seg hava hoyrt nógv gott um Føroyar – eitt nú frá svensku poppstjørnuni Zaru Larsson, sum spældi á Summar Festivalinum í 2018.

– Eg eri sera spentur um at vera her í Føroyum fyri fyrstu ferð. Eg havi í longri tíð ynskt mær at koma til Føroya, og at eg eri í hesum vakra og stórfingna landi fer at gera mína framførslu hóskvøldið til nakað heilt serligt, sigur Alan Walker.

Hann er eitt av størstu poppnøvnunum, sum hava vitjað í Føroyum. Hann hevur havt fleiri risahitt seinnu árini, og hann framførir á stórum festivalum og tiltøkum kring allan heimin. Fyri fáum døgum síðani hevði hann eina fantastiska framførslu á risastóra elektroniska festivalinum Tomorrowland.

Nú sleppa føroyingar so at uppliva norsku superstjørnuna fyri fyrstu ferð, og tað kann vera at fólk fara at hitta fryntliga norðmannin onkra staðni her í Føroyum næstu tveir dagarnar.

Alan Walker spælir á Vágsbø í Klaksvík hóskvøldið kl. 23.00.

Lýsing
Seinastu tíðindini
Hugleið­ingar um Føroyingahavnina
Klaksvíkar Badminton­felag tilmeldingarda…
Hugurin at vitja Kalsoynna er framvegis…
Sigrun Gunnarsdóttir listaframsýning í N…
Ikki rætt á Djúpumýru í morgun
Thorvald vakt ans uttanlanda
Undirsjóvarakvarium
Ein sera stórur tunfiskur á Sjómannadegn…
Ráðstevna: Miðlar á vegamóti
Flogbóltsk­vinnu­r­nar byrja nú Eurovolley…
Vágin kókaði í gjárkvøldið
Skúlin byrjar aftur hósdagin
ÍSF bjóðar aftur til Skúla­leikir
Svim um vágna
Ægir tilmeldingardag
Børnini í Vestmanna skúla hava uppiborið…
VistGrøði hevur fingið nethandil
Ferðalagið hjá kvinnunum er komið til Ky…
Við Føroya Sjómannadegi og Erlu Kongsdót…
Sjómannadagur úti í Klaksvík