Lýsing
Lýsing
Lýsing

Bók um teir 70 sjómanskvinnuringarnar verður løgd fram

SKRIVAÐ: Jóhann Lützen  |  22.09.2022 - 14:25 Mentan Tíðindi

Í kvøld, 22. septembur kl. 19. verður bókaframløga í Løkshøll í Runavík.

Tá verður bókin: “Tænandi kvinnur – søgan um sjómanskvinnuringarnar”, sum Torleif Johannesen hevur skrivað, løgd fram.

Bókin er 361 síður. Í henni eru 285 myndir av fleiri enn 1000 kvinnum. Forsíðumyndina hevur Livar Nysted málað og Jóhanna Thomsen hevur sett bókina upp. Heimamissiónsforlagið gevur út og bókin kostar 345 kr.

Søgan um sjómanskvinnuringarnar er týðandi partur av søguni hjá Sjómansmissiónini, og er partur av bygdar- og býarsøgunum, ja, partur av Føroya søgu.

Í bókini verður greitt frá teimum 70 føroysku sjómanskvinnuringunum í 65 bygdum og býum í Føroyum, og um tann í Reykjavík og í Hirtshals.

Teir hava verið ryggurin í føroyskari sjómansmissión síðani 1928 og eru tað enn.

Í samband við framløguna fara Petur Hans Hansen og Jónhild Djurhuus við bólki at syngja og spæla og høvundurin greiðir frá bókini. Eisini fara Andrias Magnussen og Ása Jacobsen at siga nøkur orð og Livar Nysted greiðir frá myndini á forsíðuni.
Drekka verður aftaná og høvi at keypa bókina.
Øll eru vælkomin.

Bókin fæst til keyps á Manna.fo og í bókahandlum um landið.

 

Lýsing
Seinastu tíðindini
KÍ v SJK: Ung og eldri farin í sving
Azamara Quest á Norð­havn­ina
Lutakastið til Challenge Cup í morgin
RSP á Norð Festivali­num 30. aug!
Bjóða nú campingvog­num á Summar Festival
Stórar útbyggingar í Fuglafirði
Hallur við nýggjum lagi
Tvær klaksvíksdamur í hálvfinalu á Orkne…
Fleiri finalupláss í frælsum ítrótti
Føroyar eru í hálvfinaluni í badminton
Eydnuhjól í Mikladali leygar­dagin
Sámal Jákup partur av venjaratoyminum
Kaj Leo vil hava treff fyri koyristólsbr…
Minningarorð um pápa okkara Jógvan F. Tr…
Ein finala í frælsum ítrótti longu sunnu…
70 føroysk ítróttar­fólk á Orkney
Myndarøð: Við KRF, NHR og ÁRF á fjarðast…
Klaksvík­ingur vann við góðum miðróðri
Evropa tapir – og vit mugu vakna: Ein áv…
Sjóvinnu- og Mentunar­húsið í Sørvági hev…