Lýsing
Lýsing

Gongdin hjá størru føroysku fyritøkunum

SKRIVAÐ: Jóhann Lützen  |  23.09.2022 - 10:34 Tíðindi Vinna

Greiningin frá P/F Januar, um tær størru fyritøkurnar, vísir at tað er ein vøkstur innan nettosølu og rakstraravkast millum tey 20 feløgini í greiningini. Vøksturin innan nettosølu er 12,8%, ið er ein stórur vøkstur. Tó eru íløgurnar lækkaðar við 6,6%, og samtíðis er nettoskuldin økt við 7,8%.

 

Nettosøla

Greiningin vísir, at feløgini nú aftur eru á sama støði við nettosølu, sum áðrenn Covid-19. Samlaða nettosølan er 11,3 mia.kr., sum er ein øking upp á 1,3 mia.kr. í mun til 2020.

Hertil skal viðmerkjast, at 2020 varð eitt ár merkt av Covid-19, og vøksturin í nettosølu avspeglar eisini, at ferðafólkaflutningur nú aftur er ávegis sama støði, sum áðrenn Covid-19, men eisini sæst, at gongdin í oljuprísum hevur ávirkað nettosøluna í 2021.

 

Rakstraravkastið (EBIT) økist

Sambært greiningini hevur rakstraravkastið verið í eini støðugari lækking hesi seinastu 5 árini, tó økist rakstraravkastið í mun til seinasta ár, men samanhildið við 2019 er gongdin tó enn niðurgangandi.

Samlaða rakstraravkastið øktist við 403 mió.kr. samanhildið við 2020, sum svarar til ein 66% vøkstur.

Men hóast nettosølan í hesum 5 ára tíðarskeiðinum er økt við 1,5 mia.kr., so er rakstraravkastið lækkað við 247 mió.kr.

 

Um greiningina

P/F Januar hevur gjørt greiningina av teimum stóru feløgunum í Føroyum síðani 2017.

Í mun til undanfarin ár hevur verið gjørligt at móttikið eitt yvirlit yvir feløg, sum hava ein roknskap í flokki C-stór ella størri, og eru hesi feløgini tikin við í greiningina. Tó eru íløgufeløg vald frá, eins og peningastovnar og tryggingarfeløg, tí teirra roknskaparuppsetingar kunnu ikki beinleiðis sammetast við vanligu virkisroknskapirnar, sum eru settir upp samsvarandi ársroknskaparlógini. Eisini er mett, at P/F Bakkafrost er ein somikið stór fyritøka, í mun til onnur føroysk feløg, at sjálvt smáar broytingar í rakstrarligu gongdini hjá P/F Bakkafrost kunnu órógva samanberingar. Tískil er P/F Bakkafrost heldur ikki við í greiningini.

Greiningin er á heimasíðuni hjá P/F JANUAR, løggildum grannskoðarum. Greiningin sæst HER

Lýsing
Seinastu tíðindini
Føroysku fólka­tingsumboð­ini kunnu avgera…
Heygabúðin 40 ára føðingardag
Útróðurin í dag
Øll mugu hava ráð til grøna orkuskiftið
Trupul fólk stjala tíð og eru orsøk til…
Loyvið okkum at arbeiða við góðari samvi…
Trý ivamál í KÍ-hópinum til 2023
125 krónur í skattalætta
Veðrið í vikuni
Mjølnir vann 3-1 á Fleyr
Hundavenjing uppi á Fossum
Myndarøð: KÍ vann 3-0 á NSÍ
Bjartalíð heldur høga stigið
Fíggjarmála­ráð­har­rin: Skilagott at dagfø…
Ferjur um vágna í Klaksvík
Son Of Fortune skjýtur FríðuTó­nar í gong…
Upptakt: NSÍ-KÍ
Durita best í september
Bollarnir á KSS
Ein fjórðingur av løgukrónu­num enda í No…