Komfortbilar niðanfyri skýlið á tunnilsdegnum
Í dag var Norðlýsið framvið við myndatólinum niðanfyri skýlið, sum á tunnilsdegnum er karmur um nógvar flottar bilar frá Komfortbilum
Palli Skorheim, stjóri á Komfortbilum sigur, at teir hava selt bilar í dag, og byrja aftur í morgin(leygardagin) kl. 10.00.
- Vit hava valt at taka nakrar bilar norð við, ið hava ein sera góða prís. Til dømis hava vit nakrar framúr lekkrar leigubilar, ið vit kunnu selja væl bíligari enn vanligt.
Lítlu løtuna Norðlýsið var framvið, komu fleiri fólk at hyggja og spyrja, og stjórin letur eisini væl at fyrsta søludegnum í Klaksvík.
- Tað er altíð deiligt at koma út við bilunum, og at møta fólki á hendan hátt. Vit fáa fleiri fyrispurningar, og fólk mugu endiliga ikki halda seg aftur, sigur Palli Skorheim.
- Og sjálvandi er møguleiki at royna bilarnar, leggur hann afturat.
Palli upplýsir, at teir vera í økinum frá kl. 10.00-18.00 í morgin.