Lýsing
Lýsing
Lýsing
Nevndin í Íverksetarahúsinum

Elsti kontórbygningur í Føroyum, letur dyrnar upp fyri almenninginum, mikudagin 28.septembur

SKRIVAÐ: Jóhann Lützen  |  26.09.2022 - 16:00 Tíðindi

Tá bygningurin á Garðavegi 57 fyrstuferð lat dyrnar upp í 1943, slóðaði Kjølbro fyri. Vaksandi virksemi hjá fyritøkuni hjá Kjølbro setti onnur og størri krøv, sum hevði við sær, at Kjølbro lat stóra kontórbygningin á Garðavegnum byggja. Talan er sostatt allarhelst um Føroya elsta veruliga kontórbygning. Nógv virksemi hevur verið í hesum bygninginum, ígjøgnum ár og dag, og í dag húsast Íverksetarahúsið har.

 

Ímeðan bygningurin enn stendur sum ein varði og súmbol fyri slóðbrótandi virksemið hjá Kjølbro, syrgir Íverksetarahúsið tí fyri virkseminum í dag. At júst Íverksetararhúsið húsast í bygninginum, er tí náttúrligt, tá júst hesin stovnurin slóðar fyri og leggur lunnar undir virksemi hjá íverksetaraspírum úr øllum landinum. 

Tíðarinnar tonn hevur, eisini í hesum bygninginum, sett síni spor. Í 2021 varð hol tí sett á eitt stórt arbeiði at endurnýggja og seta bygningin í stand. Í løtuni leggja arbeiðsfólkini seinastu hond á hetta arbeiðið.

Í hesum sambandi bjóðar Íverksetarahúsið øllum at verða vælkomin til opið hús mikudagin, 28.septembur frá kl.14.00.

Møguleiki verður m.a at síggja gamlar lutir, ið hava verið brúktir í samband við kontór virksemið hjá Kjølbro ígjøgnum tíðina.

Kl.15:00 bjóðar Íverksetarahúsið vælkomin. Síðan kemur Jógvan við Keldu at greiða frá søguni hjá húsinum. Harumframt koma onnur fólk at greiða frá virkseminum, sum hevur verið í bygninginum ígjøgnum tíðina, heilt til dagin í dag har Íverksetarahúsið síðan 2014, hevur húsast og skapt eitt íverksetaraumhvørvi.

Íverksetarahúsið bjóðar øllum vælkomnum til opið hús, drekkamunn og annað leskiligt.

 

 

Lýsing
Seinastu tíðindini
Jógvan Arge signerar í ALFA fríggja­dagin…
CEF-samgongan í ferð við at birta nýtt s…
Føroyar og Bretland skulu knýta sterkari…
Hetta sigur Magne Hoseth um skaðastøðuna…
KÍ ynskir at broyta sínar lógir
Jógvan Arge signerar í Alfa bókhandli fr…
Tryggingarkundar sleppa undan bíðitíð ti…
Krepputilbúgvingin skal verja øll
Hanus Toftheyggj nýggjur stjóri í Sjúkra…
Bil-leygardagur á Toyota í Klaksvík
Jólahugni í Plantasjuni
Betri umstøður í bátahyli­num á Borðoyarv…
Nýtt rørportur í Árnafirði
Bakkafrost við á heimsins fyrsta 100% gr…
Avgjørdu dystin við góðum endaspurti
Politikarar válka sær í peningaligum ser…
KÍ uttan Árna Frederiksberg og Jóannes B…
Sanna Dahl á Bókasavninum
Greining um avgerandi dystin hjá KÍ móti…
KÍ-leikari hevur fingið álvarsaman skaða