Son Of Fortune skjýtur FríðuTónar í gongd í morgin
Framúr dugnaligi sangarin, sangskrivarin og tónleikarin - Benjamin Petersen - fer á pall leygarkvøldið 8. Oktober kl. 21.00.
So fáa vit møguleikan at uppliva “SON OF FORTUNE” live á FríðuTónum!
Framúr dugnaligi sangarin, sangskrivarin og tónleikarin fer á pall leygarkvøldið 8. Oktober kl. 21.00.
Hann bleiv veruliga kendur við bólkinum “AVE”, og hevur sungi við bæði Teitur og Eivør. Men nýggjasta skotið á stammuni er fløgan “Voodoo Pop”, ið er framleidd í Nashville.
Saman við sínum bólki, hevur hann bergtikið áhoyrarar í Danmark, Norra, Týsklandi, Spania, Italia, Ruslandi og USA við sínum musikaliteti.
FríðuTónar verður afturvendandi
- Vit royndu FríðuTónar fyrstuferð í mars í ár, og móttøkan av tiltakinum hevur verið ómetaliga góð, sigur Mimmy Vágsheyg.
- Sera nógv fólk vitjaðu tónleikakvøldini í Fríðu, og stemningurin var ótrúliga góður. Ætlanin við konsertunum er, at fáa eitt intimt umhvørvið, sum er hugnaligt, lekkurt og avslappandi. Samstundis kunnu fólk hugna sær við onkrum at leska sær við, sigur Mimmy.
- Ætlanin er, at tiltakið verður afturvendandi, tí vit halda hetta manglar í Klaksvík.
Fyrsta konsertin á FríðuTónum í oktober verður við Son of Fortune, og síðani verður tað Janus Wiberg Mortensen, ið fer á pall 15. Oktober. 19. November verður forkunnug konsert við Elinborg Pálsdóttir, og væntast kann at okkurt navn verður avdúkað afturat komandi dagarnar.
Vit gleða okkum til intimu tónleikaupplivingina við Benjamin Petersen á FríðuTónum leygadagin 8. Oktober kl. 21.00.
Atgongumerki kunnu keypast á leinkjuni niðnafyri: