Heygabúðin 40 ára føðingardag
Tann 4. oktober 1982 lat Bjarti Højbro, sáli upp Heygabúðina í nýggjum hølum yviri á Heygum. Vit hátíðarhalda 40 ára føðingardagin alla vikuna við nógvum brand góðum tilboðum, sigur Eyðun Højbro, sonur Bjarta, ið er handilsleiðari í dag
Tann 4. oktober (kartober) hevði ein kend býarmynd føðingardag, men hetta er eisini dagurin har Heygabúðin flutti í nýggj hølir í 1982.
Í viðtalu við Norðlýsið tann 8. oktober 1982, segði Bjarti Højbro sáli, at hann var sera væl nøgdur við nýggju umstøðurnar og eisini góðu parkeringsiðurskiftini.
Handilin Heygabúðin hevur langa traditión aftan fyri seg. Tað var í 1949, at abbi Eyðun, Jógvan Højbro, sáli fór at handla í kjallarinum hjá "Agga" við Oyravegin, men longu í 1950 flutti Jógvan Højbro, sáli oman í egnu hús síni við handlinum.
Nógv brandgóð tilboð
Sonurin Eyðun Højbro er handilsleiðarin í Heygabúðini í dag. Hann sigur við Norðlýsið, at í morgin 4. oktober bjóða vit køku og kaffi frá 15:00 - 18:00. Eyðun leggur aftrat, at niðanfyri síggjast fleiri brandgóð tilboð sum eru galdandi frá í dag til sunnukvøldið