Lágtrýstið fer sín veg eystureftir og fer at vikna í dag og í kvøld, og rákið av luft av útnyrðingi fer at steðga. Eitt annað sera djúpt lágtrýst er á veg hendanvegin úr Canada. Tað fer ikki at raka okkum, men vit fara tó at merkja ein broyting í veðrinum av tí.

Byrjandi við veðrinum í skrivandi løtu (klokkan er 15), so eru 7 til 12 m/s av útnyrðingi, tað regn í stórum partum av landinum, tó turt onkrastaðni. Hitin liggur um 6 til 8 stig.

Sum tað líður út á seinnapartin og í kvøld, fer vindurin at minka eitt sindur, og tað fer at verða turt fyri tað mesta. Á midnátt eru 5 til 10 m/s av útnyrðingi og yvirhøvur turt.

Hitin í morgin fer at liggja ímillum 5 og 9 stig.

Í nátt er aftur ælaveður, vindferðin fer at liggja minka úr 5 til 10 m/s niður um 5 m/s. Í morgin ári fer ættin eystur um norðan til landnyrðing. Á middegi er lítil vindur av landnyrðingi, undir 5 m/s, og ælaveður, og soleiðis kann veðrið væntast at vera seinnapartin eisini og leygarkvøldið.

Sunnunáttina gongur ættin niður í eystan, vindferðin enn tann sama, undir 5 m/s, og tað er ælaveður ella regn. Og hetta er so eisini tað besta boðið uppá veðrið allan sunnudagin.

Hitin sunnudagin fer at liggja ímillum 6 go 9 stig.

Gott vikuskifti.