Ynskir tú ein ungan mann - hóast sín unga aldur - ið hevur nógvar vinnulívsroyndir, bæði í Føroyum, altjóða og í danska militerinum, at tala søkina hjá tí vanliga føroyinginum, so vil eg siga tær, at míni hjartamál eru hesi:

Minni skrivstovuveldi, meiri frælsi!
- Ongin, ið tørvar sálarliga ella likamliga hjálp, skal kenna seg sum ein sjonglørbólt, kastaðan millum eina labyrint av einum skrivstovuveldi. Tað skal vera lættari at liva og virka í Føroyum.

Vanligi føroyingurin skal hava meir eftir, av sínum egnu pengum!
- Eg ynski at draga presiss somu sosial-liberalu linju sum Sambandsflokkurin, tí tann vanligi føroyingurin skal kunna hava meir eftir, av sínum egnu, hart tjentu pengum.

Ferð skal á prosjektið um Suðuroyartunnilin!
- Vit skylda suðuroyingum ta virðing, at fáa meiri ferð á prosjektið um Suðuroyartunnilin. Tað eru mong, ið hava merkt tørvin á skjótari atgongd til m.a. Landssjúkrahúsið, heilt tætt at kroppi. Vit skylda teimum at fáa ferð á.

Eitt heilsuverk í heimsklassa!
- Vit hava longu eitt gott heilsuverk, men tað kann gerast enn betri. Sjúklingurin skal í endurnýggjað fokus og fáa skjótari atgongd til alla hugsandi hjálp. Eg ynski eitt heilsuverk, sum øll hava ein dreym um at arbeiða fyri.

Vit skulu hava politikk í eygnahædd og politikkurin skal útaftur til fólkið!
- Allir føroyingar, óansæð hvørji tey eru, skulu kenna tað, at politikkarir tosa í eygnahædd. Tí ynski eg, at fáa politikkin út aftur til fólk – og lurta eftir øllum føroyingum, ið hava eina hugsan um, hvussu politikkarin kann gera teirra lív lættari at liva.

Tekur tú undir við hesum? So kundi tú kanska umhugsa at valt meg inn á Føroya Løgting
Eg hevði verið ómetaliga takksamur fyri títt álit, og tína atkvøðu!

Áron Vest
politikkaron@gmail.com // +298 588873