Í morgun hevur ein hátrýstryggur lagt seg yvir leiðina úr Portugal norður ímóti Grønlandi. Føroyar eru beint eystan fyri ryggin, tí hava vit gott veður – t.e lítil vindur og turt. Veðrið fer at vera gott í dag og í morgin, týsdagin.

Seinna partin av vikuni fer at vera eitt heldsur meiri vindur sunnaneftir við avfalli stóran part av tíðini.

Veðrið í vikuni – dag fyri dag:

Mánadag: Minkandi vindur av suðuri, úr 8 til 13 m/s í nátt niður í umleið 5 m/s á middegi. Í kvøld útsynningur, undir 5 m/s. Allan dagin samdrigið og turt, tó okkurt ælið um kvøldið.

Hitin í dag, mánadag, fer at liggja um 8 til 10 stig.

Týsdag: Fyrrapartin fer hann at mala úr ymsum ættum, tá er vanliga lítil vindur, men út á seinnapartin kemur hann av suðuri, undir 5 m/s; út á kvøldið veksur hann upp í 3 til 8 m/s. Allan dagin ádrigið og turt.

Hitin í morgin, týsdag, fer at liggja um 8 til 10 stig.

Mikudag: Sunnan allan dagin, vindurin fer at veksa úr 3 til 8 m/s um náttina upp í 5 til 10 m/s á middegi og upp í 8 til 13 m/s um kvøldið. Samdrigið og turt um náttina, okkurt ælið um morgunin, men so er samdrigið og yvirhøvur turt til nakað er liðið út á seinnapartin. Tá verður skýggjað og so fer at regna restina av kvøldinum.  

Hitin mikudagin fer at liggja um 7 til 10 stig.

Hósdag: Hann fer at liggja av suðuri allan dagin. Vindurin 8 til 13 m/s um náttina og fyrrapartin; seinnapartin 10 til 15 m/s. Skýggjað og regn, til nakað er liðið út seinnapartin. Tá fer at slíta í, og loftið fer at vera klárari.

Hitin hósdagin fer at liggja um 7 til 9 stig.

Fríggjadag: Um náttina sunnan, 10 til 15 m/s, samdrigið og turt. Út á fyrrapartin minkar vindurin niður í 5 til 10 m/s, ádrigið og turt. Út á seinnapartin gongur hann upp í landsynning og minkar vindin uppaftur meir, og enn klárt og turt. Á midnátt eru undir 5 m/s av landsynningi, klárt og turt.

Hitin fríggjadagin 7 til 9 stig.