Aftur í ár kemur Jólaskipið á Klaksvík við jólamonnunum. Vit hava tosað við teir og teir siga, at hóast teir nú eru nøkur ár eldri, so gleða teir seg sum børn at koma aftur til Klaksvíkar. Í dag vildu teir ikki siga nakað um hvar teir vóru, men jólamenninir lovaðu at ringja til okkara tá teir nærkast Føroyum norðan ífrá, so vit fara at frætta nærri seinni, so gleði tykkum til jólamenn og pakkar.

Minnist til  “Ársins Rósu”

Sum flestu munnu minnast, so hevur tiltakið "Ársins Rósa" eisini hoyrt til tiltakið "Jólaskipið" hjá Føroya Sjómannadegi. Tað verður framvegis ætlanin, tí heita vit á borgarar í Norðoyggjum um at senda okkum uppskot um Ársins Rósu.

“Ársins Rósa” er ætlað sum eitt herðaklapp til ein persón, sum hevur víst serligt hjálpsemi, samfelagssinni ella, sum á annan hátt hevur verið fólki og samfelagi at serligum gagni.

Uppskot kunnu sendast til oliver@nordlysid.fo

Føroya Sjómannadagur