Stjørnan basti Kyndil
Kvinnuranar hjá Stjørnuni hava í dag leikt á útivølli ímóti oddaliðnum Kyndil. Eftir hálvleiksstøðuna 15-14 til Kyndil, endaði dysturin við einum tryggum 31-27 sigri til Stjørnuna.
Tað var tað Kyndil sum kom betur frá byrjan, og legði seg á odda 4-0. Hesa fyrstu løtuna hevði Stjørnan brent fleiri upplagdar málmøguleikar. Sum fyrri hálvleikur leið, fótaði Stjørnan sær og minkaði støðugt um leiðsluna hjá Kyndil. Tá hálvur minuttur var eftir at leika, var støðan javnleikur 14-14. Tað eydnaðist tó Kyndil at fáa eitt mál afturat, soleiðis at hálvleiksstøðan gjørdist 15-14 til heimaliðið.
Tað gekk javnt á fyrstu løtuna av seinna hálvleiki, men tá seinni hálvleikur var sjey minuttir gamal, tók Stjørnan fyri fystu ferð í dystinum leiðsluna, tá var støðan 18-17 til Stjørnuna. Eftir hetta økti Stjørnan støðugt um leiðsluna, og kundi fara av vøllinum sum vinnari við einum fult uppibornum 31-27 sigri.
Støðan í oddinum i bestu kvinnudeildin er nú, at Kyndil liggur á odda saman við H71 við 15 stigum. Kyndil hevur leikt 10 dystir, meðan H71 hevur leikt 8 dystir. Síðani koma Stjørnan og Neistin við 14 stigum í part. Stjørnan hevur leikt 10 dystir, og Neistin hevur leikt 9 dystir.
Málini hjá Stjørnuni skulu Tóra Eliasen 9, Malene Madsen 6, Sonja S. á Bergi 4, Jancy H. Jacobsen, Iulia Nalviko og Durita Ljóstein Johansen 3 mál hvør, Mina S. Hendriksen 2, og Joan Sørensen 1.
Næsti dystur hjá Stjørnuni verður komandi sunnudag á heimavølli ímóti StÍF. Hetta er ein dystur í steypakappingini, og vinnur Stjørnan tann dystin, hava tær leikt seg í hálvfinaluna í steypakappnini..