Eirikur í Jákupsstovu fekk 295 atkvøður á løgtingsvalinum og gjørdist harvið fyrsti varamaður hjá Tjóðveldi. Eirikur er ættaður av Eiði, men hevur í mong ár búð í Klaksvík, haðani hann eisini hevur konu. Hann hevur ikki stillað upp til løgtingsval áður, men hevur verið í starvi hjá Klaksvíkar Kommunu frá 2019 til nýliga, tá hann varð settur sum ráðgevari hjá Tjóðveldi.

Eirikur hevur lisið løgfrøði og havt onnur størv enn tey omanfyri nevndu; hann hevur starvast í Kringvarpinum og í Miðlahúsinum, umframt at hann eitt nú hevur sitið í Miðlastuðulsnevndini. 

Umframt Eirik koma Liljan Weihe og Erling Eidesgaard, bæði úr Havn, eisini á ting fyri Tjóðveldi, og Páll á Reynatúgvu av Sandi gerst fyrsti varalimur hjá flokkinum.

Við Eiriki sita nú 6 norðoyingar á Løgtingi: Elsebeth Mercedis Gunnleygsdóttur (A), Beinir Johannesen (A), Árni Skaale (A), Eyðgunn Samuelsen (C), Steffan Klein Poulsen (H) og nú eisini Eirikur í Jákupsstovu (E).