Tað er ikki so djúpt. Klokkan 6 var trýstið í miðjuni 974 hPa. Tey kunnu vera væl djypri enn tað. Orsøkin til, at tað verður so nógvur vindur, er, at lágtrýstið trýstur seg ímóti einum hátrýsti, sum liggur við Asornurnar. Har er trýstið 1040 hPa. Trýstmunurin er sostatt 66 hPa í einum lutfalsliga lítlum øki – leysliga mett 1200 fjórðingar.

Føroyar liggja mitt á hesum øki.

Ættin í morgun er útsynningur, vindferðin í miðal er 10 til 15 m/s. Sum dagurin gongur, so fer vindurin at veksa úr somu ætt. Allan dag ælaveður.

Nakrar tímar eftir middag er vindferðin farin upp í 15 til 20 m/s, og um 20 tíðina eru 18 til 23 m/s. Gevið gætur, at hetta er miðalvindferð. Hvirlurnar fara at vera oman fyri 30 m/s.

Fram ímóti midnátt er miðalvindferðin 20 til 25 m/s, og tað fer at vera samregn. Hetta er veðrið alla nátt.

Klokkan 8 í morgin ári fer vindurin at minka. Fyrst norðan- og vestanfyri og 1 ella 2 tímar seinni er minni vindur kring alt landið.