Vindferðin um vikuskiftið er skiftandi – minsti vindur 3 til 8 m/s seint í kvøld og í nátt, men eisini onkra løtu sunnumorgunin. Mesti vindur 13 til 18 m/s, sum er eitt skifti seinnapartin í dag og leygarkvøldið eisini.

Eitt sindur av avfalli fer at vera. Yvirhøvur turt í dag og í morgin, tó onkur løta við regni leygarnátt og -kvøld og sunnunátt.

Hitin alt vikuskiftið fer at liggja um 8 til 11 stig.

Taka vit tað meir í smálutum, so er vindferðin 8 til 13 m/s av útsynningi vestri restina av degnum í dag. Eitt sindur minni vindur norðanfyri – t.e. í Norðurstreymi, Norðureysturoy og pørtum av Norðoyggjum – har er niður í 3 til 8 m/s.

Tað var skýggjað, og tað regnaði illa í nátt og eitt sindur út á morgunin, men síðan tá er skýlagið brotið eitt sindur, og tað hevur verið ælaveður, og sum tað er liðið út á dagin er yvirhøvur turt.

Hitin í dag 7 til 10 stig.

Í nátt dregur aftur á luftina, tað gerst skýggjað og tað fer at regna nakrar tímar. Ættin lækkar niður í útsynning, og eitt skifti er minni vindur, men vindur fer at veksa fyrrapartin. Á middegi eru aftur 8 til 13 m/s, skýggjað og ælaveður.

Seinnapartin í morgin (leygardagin) eru 8 til 13 m/s av útsynningi, skýggjað og ælaveður. Um kvøldið er vindurin vaksin eitt sindur, upp í 10 til 15 m/s, enn skýggjað og ælaveður.

Hitin í morgin 8 til 11 stig.

Sunnunáttina minkar vindurin niður í 5 til 10 m/s. Ættin framvegir utsynningur, tað er skýggjað og regn. Seinnapartin veksur aftur upp í 8 til 13m/s, sum frálíður klárari loft og okkurt ælið.

Hitin sunnudagin 7 til 10 stig.

Mánanáttina er sunnan, 5 til 10 m/s, klárt og yvirhøvur turt.  

Gott vikuskifti.