Orsøkin er eitt hátrýst, sum hevur lagt seg vestan fyri Írland og breiðir seg eisini norðureftir ímóti okkum.

Í dag afturat er tað køld luft, sum kemur hendanvegin, men frá morgindegnum av fer lýggjari luft at reka ímóti Føroyum sunnaneftir.

Í løtuni er veðrið kring landið soleiðis, at vindferðin er um 4 m/s; ættin er útnyrðingur. Klárt er ella smáskýggjað, og turt. Ikki heitt, hitin liggur um 2 til 4 stig.

Restina av degnum í dag fer veðrið at vera soleiðis – tó fer hann helst at mala av ymsum ættum seint í kvøld.

Í nátt og allan fyrrapartin í morgin fer hann at mala av ymsum ættum, vindferðin undir 5 m/s, smáskýggjað og klárt og fyri tað allarmesta turt – okkurt ælið kann væntast í støðum.

Seinnapartin í morgin og restina av degnum er vindur tann sami, upp í 5 m/s, av útsynningi, smáskýggjað og yvirhøvur turt.

Sama veður sunnunáttina og fyrrapartin sunnudagin. Út á seinnapartin veskur vindurin eitt lítið vet, upp í 3 til 8 m/s, enn smáskýggjað og yvirhøvur turt.