Veðurstova Føroya: Hátrýstið legði seg yvir Skotland leygardagin, og síðan tá er lufttrýstið farið upp í 1039 hPa, og næstu dagarnar 1044 hPa, meðan tað nærkast Føroyum.

Í Atlantshavinum í ein útsynning og vestan úr Føroyum er veðrið als ikki so gott sum her hjá okkum. Eitt sera djúpt lágtrýst, 960 hPa, er á veg ímóti Suðurgrønlandi, har sum tað fer at verða stormur við ódnarhvirlum, áðrenn tað fer norður við vesturstondini. Eftir tað minkar mátturin í tí.

Her endar søgan ikki, tí nýggj stormlágtrýst fara støðugt at ganga yvir vestara parti av útnyrðingspartinum av Atlantshavi, men leiðin er ikki tann vanliga í landnyrðing ímóti Føroyum ella Íslandi.

Bíðistøðini, har lágtrýstini halda til, ið hvussu so er fyribils.

Tað kunnu vit takka tí máttmikla hátrýstinum. Sum viðurskiftini í lufthavinum eru í løtuni, er stórur munur á luftnøgdunum, sum trýsta á hvørja aðra, tí er stórur munur á há- og lágtrýstum alla vikuna, heilt til vikuskiftið. 

Tíbetur fyri okkum, sum búleikast í Føroyum, er vígvøllurin er langt vekk, vestan fyri okkum ella í útsynning.
Hvørjum man tað enda við? – fylgið við her á síðuni…