Lýsing
Lýsing
Lýsing

Sambandsfólk møtast á Landsfundi í Vestmanna

SKRIVAÐ: Tíðindaskriv  |  19.03.2023 - 13:08 Politikkur Tíðindaskriv

Leygardagin 25. mars heldur Sambandsflokkurin Landsfund á Miðnámsskúlanum í Vestmanna. Byrjað verður klokkan 08.30.

 

Tvey val eru farin afturum síðan seinasta Landsfundin hjá Sambandsflokkinum. Flokkurin vil vera ein konstruktivur mót- og viðspælari til verandi samgongu - og eisini vera væl fyrireikaður til komandi val. Hetta fer at seta dám á skránna.

Á fundinum fer Bárður á Steig Nielsen, floksformaður, at halda formansrøðu, og aftaná verður politiskt orðaskifti.

Gestarøðari á fundinum í ár verður Thomas Danielsen, samferðslumálaráðharri, úr danska Vinstraflokkinum.

Á skránni verður eisini sofaprát millum Helga Abrahamsen, Thomas Danielsen og Onnu Falkenberg, har evnið verður: “Føroyar og umheimurin gjøgnum Ríkisfelagsskapin”. Eisini verður prát við trý valevni frá løgtingsvalinum, um hvussu tey upplivdu tað at vera partur av valstríðinum.

Eftir Landsfundin verður Ársveitsla á Faer Isle Distillery í Vestmanna.

“Landsfundurin er eitt gott høvið hjá sambandsfólki at koma til orðanna. Við einum sterkum baklandi og opnum orðaskifti eru vit ein rúmligur og sterkur flokkur. Politikkur sprettur m.a. úr fólkinum og hetta politiska orðaskiftið gevur mær íblástur til politisku kósina hjá flokkinum”, sigur Bárður á Steig Nielsen, formaður.

Øll sambandsáhugað eru vælkomin á fund og í veitslu, sigur Sambandsflokkurin.

Meira kunning um skránna og tilmelding til veitsluna fæst á heimasíðuni: www.samband.fo , Facebook hjá Sambandsflokkinum og frá Floksskrivstovuni, tlf. 312492.

Á myndini síggjast Thomas Danielsen samferðslumálaráðharri, Vinstra og Bárður á Steig Nielsen, formaður í Sambandsflokkinum.

 

Sambandsflokkurin

Lýsing
Seinastu tíðindini
Fiski­veiðusamstarvið, Fuglafjørður og Fø…
Jóla­konsert: Í menniskjum góður tokki
Søktu Spania í seinna hálvleiki
Nýggj bók eftir Óla Jacobsen um Gamla ki…
Upptakt: Vár G. Hansen til VERSA Challen…
Jóla­trø­ini í Hvannasunds kommunu verða t…
Røðan hjá Sámal Peturi í Grund
Fleiri týðandi framtøk á Klaksvíkar havn…
Strandferðslan økir um túratalið á leið…
Jóla­trø­ini leygar­dagin
Veðrið um vikuskiftið
Veðrið um vikuskifti
Noomi Oddmarsdóttir Gregersen nýggjur st…
ICES-tilmæli fyri botnfisk 2026
Jóla­trø­ini í Kalsoynni
Klaksvíkar bókasavn í desember
Sunnvá hevur teknað jóla­kortið
Advents- og jóla­konsert sunnukvøldið
Skótarnir í 4.a greiða frá
Byggisamtyktin fyri Svínoy góðkend