Stjørnan í hálvfinaluni
Við einum 30-25 sigri á VÍF hava kvinnurnar hjá Stjørnuni leikt seg hálvfinaluna um FM-heitið. Mótstøðuliðið verður H71.
Spenningurin var stórur í KÍ-høllini í dag, tá dysturin millum Stjørnuna og VÍF varð bríkslaður í gongd, og dysturin bleiv eisini bæði spennandi og undirhaldandi. Tað gekk ógvuliga javnt á stóran part av fyrra hálvleiki, tó var tað Stjørnan sum hevði munin, og tá farið varð til hálvleiks, var støðan 15-12 til Stjørnuna.
Stjørnan fekk eina góða byrjan uppá seinna hálvleik. Tá seinni hálvleikur var hálvrunnin, hevði Stjørnan vunnið sær eina leiðslu uppá sjey mál, men so kom stígur í hjá Stjørnuni, og VÍF fekk støðugt minkað um leiðsluna hjá Stjørnuni. Tá góðir tríggir minuttir vóru eftir at leika, var støðan 27-24 til Stjørnuna, og stórur spenningur var dystinum, men nærri kom VÍF ikki.
Dysturin endaði við einum 30-25 sigri til Stjørnuna, og við sigrinum hevur Stjørnan leikt seg í hálvfinaluna, har mótstøðu liðið verður H71. Leikast skulu best av trimum dystum. Tann fyrsti hálvfinaludysturin verður KÍ-høllini komandi mikukvøld kl. 17.00.
Málini hjá Stjørnuni skutu: Tóra Eliasen 10, Sonja Sirdal á Bergi 9, Jancy J. Poulsen 4, Iuklia Nalviko 3, Durita L. Johansen 2 og Joan Sørensen og Malene Madsen eitt mál hvør.