At flyta inn í Spinnaríið er ein stór broyting fyri felagið – í rúmd, men eisini í anda. Av tí at uppgávan at menna og reka eitt áhugafelag er ein heilt onnur, enn at spæla sjónleik av reinum áhuga, eru tí eisini broytingar í sjálvari nevndini hjá felagnum. Á seinasta aðalfundi, legði táverandi nevnd fram, at hon legði frá sær, og skeyt samstundis fimm fólk upp, at taka við sum administrativ nevnd.  Hetta eru øll fólk, ið á ein ella annan hátt hava ella hava havt tilknýti til sjónleik. Umframt at hetta eru dugnaligir leiðarar, bæði fyri øðrum menniskjum, eins og kreativum og tekniskum gongdum. Hetta uppskotið varð einmælt samtykt.

Við at seta eina administrativa nevnd at reka og menna felagið, setur tað samstundis kreativu orkuna fría, soleiðis at klaksvíkingar og Føroya fólk kunnu njóta gott av enn meira spennandi sjónleikaravirksemi frá Klaksvíkar sjónleikarafelag. Longu nú eru nakrir av okkara sjónleikarum ígongd við at fyrireika Norðoyastevnuteitið, sum hesuferð hevur fingið heitið: Vælkomin til Varpvíkar!

Fyri at geva sjónleikarum og sjónleikaáhugaum bestu umstøður at virka undir, verður tí skipað fyri lima- og ruddingardegi komandi leygardag 20.maj.
Kom í Spinnaríið kl.09 til kl.14 !

Tekna teg sum lim hjá Klaksvíkar Sjónleikarafelag her.

Vinarliga

Nevndin í Klaksvíkar Sjónleikarafelag